Didier Deschamps Umutoza w’Ikipe y’u Bufaransa yemeje abakinnyi azifashisha mu Gikombe cy’Isi kizaba mu mpeshyi aho ubusatirizi bwe buzaba buyobowe na Ousmane Dembélé ufite Ballon d’Or iheruka ndetse na Mbappe.
Uwinjije ibitego 57ariwe Olivier Giroud ni we mukinnyi wenyine urusha Mbappé ufite ibitego 56 mu Ikipe y’u Bufaransa ndetse uyu mukinnyi wa Real Madrid akaba yitezweho kuzaba umuyobozi (Captain) w’iyi kipe nubwo yugarijwe n’imvune mwiyi minsi.
Uwatwaye Ballon D`or ya 2025 Ousman Dembélé we afite ibitego 35 akaba yaranatwaye UEFA Champions League na Paris Saint-Germain mu mwaka w’imikino ushize, aho yanabaye umukinnyi wa mbere w’Umufaransa wegukanye Ballon d’Or mumyaka 100 ishize, ariko ntarinjiza igitego mu Gikombe cy’Isi.
Abakinnyi bandi basatira uyu mutoza yitabaje ni Olise wa Bayern Munich ndetse na Doué ukina muri PSG mu gihe myugariro William Saliba wa Arsenal na Rayan Cherki wa Man City na bo bari mu bakinnyi ba 7 bakina muri English Premier League bahamagawe.
Inyuma ku ruhande rw’ibumoso hari Lucas Hernández naho ukina hagati ni N’Golo Kanté , baza basanga K.Mbappé na O.Dembélé mu bakinnyi bane batwaye Igikombe cy’Isi muri 2018 banahamagawe mugikombe cyubushize.
Mubakinnyi bahamagawe muri 2022 ariko bakaba batarahamagawe muri 2026 harimo Eduardo Camavinga wa Real Madrid na Randal Kolo Muani wa Tottenham. Deschamps wafashije u Bufaransa gukina imikino ya nyuma y’Igikombe cy’Isi inshuro 2 ziheruka yatunguranye asiga aba bakinnyi babiri
Nanone kandi umunyezamu Lucas Chevalier ufatira PSG na we ntiyahamagawe mu gihe Umunyezamu Robin Risser ufatira Lens, utari warigeze ahamagarwa na rimwe, yagiriwe icyizere muri 2026 yiyongera kuri Mike Maignan ndetse na Brice Samba.
kubera imvune yagize muri Mata Hugo Ekitike ukinira Liverpool nawe ari mu bakinnyi batahamagawe
Imikino y`ubufransa izatangira buhura na Sénégal kuri 16 Kamena, kuri 22 Kamena bukomereze kuri Iraq mu gihe buzasoreza imikino yo mu Itsinda I kuri Norway ku wa 26 Kamena.
Abakinnyi bose bazakinira ubufransa harimo
Abanyezamu: Mike Maignan (AC Milan), Robin Risser (Lens) na Brice Samba (Rennes).
Ba myugariro: Lucas Digne (Aston Villa), Malo Gusto (Chelsea), Lucas Hernández (Paris St-Germain), Theo Hernandez (Al Hilal), Ibrahima Konate (Liverpool), Maxence Lacroix (Crystal Palace), Jules Koundé (Barcelone), William Saliba (Arsenal) na Dayot Upamenaco (Bayern Munich).
Abakina hagati: N’Golo Kanté (Fenerbache), Manu Kone (Roma), Adrien Rabiot (AC Milan), Aurelien Tchouameni (Real Madrid) na Warren Zaire-Emery (Paris St-Germain).
Ba rutahizamu: Maghnes Akliouche (Monaco), Bradley Barcola (Paris St-Germain), Rayan Cherki (Man City), Ousmane Dembélé (Paris St-Germain), Désiré Doué (Paris St-Germain), Michael Olise (Bayern Munich), Kylian Mbappé (Real Madrid), Jean-Phillipe Mateta (Crystal Palace) na Marcus Thuram (Inter Milan).
