Umutoza w’ikipe ya arsenal akaba yaranayibereye umukinnyi, kuri uyumunsi taliki 15 Gicurasi 2026 imyaka 10 irahise akiniye iyi kipe nkumukinnyi wabigize umwuga umukino wanyuma. aho hari 15 Gicurasi 2016 akaba yarakinaga mubo hagati. Uyu mutoza wa arsenal kuru ubu, yatangiye gukina umupira w’amaguru mw’ ikipe y’abakiri bato ya Barcelona aho hari mu 1999 -2002 aho yakinnye imikino 42 atsinda ibitego 3 aha yari mwikipe ya kabiri ya Barcelona. Yaje gutizwa mw’ikipe ya PSG kunguzanyo aho hari 2001 – 2002 mumikino 31 yatsinzemo ibitego 2.
Mikel Arteta yaje gukomereza mw’ikipe ya Rangers aho hari 2002-2004 akaba yarakinye imikino 50 atsinda ibitego 12. Aha yaje kuhava maze yerekeza mw’ikipe ya Real Sociedad aho hari 2004-2005 aho yakinnye imikino 15 maze atsinda n’igitego kimwe. Yaje gukomereza mubwongereza mw’ikipe ya Everton aho hari 2005-2011 aho yakinnye imikino 174 atsinda ibitego 28 ndetse hano yabaye umukinnyi w’umwaka inshuro zigeze kuri ebyiri.
Yaje gusoreza guconga ruhago nkuwabigize umwuga mw’ikipe ya Arsenal. Iyikipe yayigezemo 2011 maze aba ari nayo asorezamo gukina umupira nkuwabigize umwuga aho hari taliki 15 Gicurasi 2016. Icyo gihe yaramaze gutwara ibikombe bibiri bya FA Cup, bibiri bya FA Community Shield, akinnye imikino 110 ndetse atsinda ibitego 14.
Arsene Wenger nkuwari umutoza w’iyikipe icyo gihe akaba arinawe wasinyishije uyumukinnyi, yamuguze ashaka kugirango akomeze hagati mukibuga kuko baburaga umukinnyi ukomeye nkawe mubakina hagati mubakinnyi ba arsenal. Muri 2014 yahise agirwa kapiteni (captain) w’iyi kipe ndetse anagira uruhare runini cyane mubikombe batwaye icyo gihe. Mu mwaka wa 2016 nibwo yakinnye umukino we wanyuma ahita anasezera kugukina umupira w’amaguru nk’uwabigize umwuga.
Muri uwo mwaka amaze gusezera kugukina umupira nk’uwabigize umwuga Arteta, yajyiye gutangira urugendo rwe nk’umutoza maze murwego rwo kwimenyereza yahise ajya kunjyiriza Pep Guadiola mu Ikipe ya Manchester City maze agira n’uruhare kuri shampiyona ebyiri batwaye za Premier League.
Arteta yaje kugaruka muri Arsenal nkumutoza mumwaka wa 2019 muri uwo mwaka w’imikino yahise atwara FA cup arongera ahindura ikipe ya arsenal, itangira guhatanira shampiyona. Ubu nyuma y’imwaka irenga 20 arsenal ntizi igikombe cya shampiyona uko gisa. Gusa bafite icyizere ko uyu mwaka bishoboka ko bazagitwara cyane ko ubu bari kumwanya wambere kandi hakaba hasigaye imikino ibiri gusa.
