Kuri ubu hari abakinnyi bake batsinze kuri buri munota wose w’umukino mu mupira w’amaguru ubwo n’ukuvuga kuva ku munota wa mbere kugera ku munota wa mirongo icyenda. Muri abo ushobora kugira ngo Lionel Messi abarimo kuko ari umukinnyi wa kabiri ufite ibitego byinshi nkuko FIFA ibigaragaza nyuma ya Crisitiano Ronaldo, ariko waba wibeshye kuko Lionel Messi ntarashobora gutsinda igitego ku munota wa mbere w’umukino mubuzima bwe.
Gusa n’ubwo Messi byamunaniye hari abakinnyi batatu gusa bashoboye gukora ibyo bintu. Umukinnyi wambere Wakoze ibibintu yitwa Cristiano Ronaldo. Kuri ubu Cristiano Ronaldo ni umukinnyi ngenderwaho mw’ikipe ya Al Nassri FC muri Saudi Pro League akaba n’umukinnyi w’ikipe y’igihugu ya Portugal. Amaze Gutsinda ibitego 971 ndetse atanga n’imipira yavuyemo ibitego irenga 250. Ibi Critiano Ronald akaba yarabigezeho mu mwaka wa 2014.
Umukinnyi wa 2 wakoze ibi ni Zlatan Ibrahimovic, kuri ubu, ntabwo agikina umupira w’amaguru nk’uwabigize umwuga kuko yahagaritse ibyo gukina ruhago mumwaka wa 2023. Yahagaritse ibyo gukina umupira w’amaguru amaze gutsinda ibitego 573 ndetse atanze imipira ivamo ibitego igera kuri 226 mugihe ibi yabikoze mumikino 988 yakinnye. Uyu mukinnyi nawe aka gahigo nawe yakagezeho mu mwaka wa 2014.
Umukinnyi wa gatatu arinawe wanyuma umaze kubikora ni Luis Suarez. Kuri ubu uyu ni umukinnyi w’ikipe ya Inter Miami CF akaba kandi yarahagaritse gukinira ikipe y’igihugu ya Uruguay. Kuri ubu afite ibitego biranga 600 ndetse n’imipira ivamo ibitego irenga 300. Ikindi kandi akaba ari inshuti yakadasohoka ya Lionel Messi. Akagahigo yakagezeho muri 2021.
Kuri ubu Lionel Messi amaze kubona inshundura z’amazamu inshuro zigera kuri 910, atanga imipira ivamo ibitego irenga 408 akaba ari umukinnyi w’ikipe ya Inter Miami CF, nubwo afite ibitego bigera kuri 910, akaba umukinnyi wa kabiri watsinze ibitego byinshi, ntabwo arashobora gutsinda igitego kuri buri munota w’umukino kuko umunota wambere waramunaniye. ubuse birashoboka ko yazasoza gukina umupira w’amaguru atarashobora gukuraho aka gahigo?.
