Umuhanzi Kompressor yatangaje impamvu amaze imyaka ibiri abarizwa mu nzu ifasha abahanzi ya 1:55 AM atarakora cyangwa ngo asohore indirimbo nshya nkuko bamwe mu bakunzi b’umuziki babyibazaga . Yavuze ko muri icyo gihe yari ahugiye mu bikorwa byo kwitegura neza no gushyira ku murongo umwuga we kugira ngo azagarukane ibikorwa bifite ireme.
Kompressor yavuze ko kuba atarasohoye indirimbo nshya bidasobanuye ko yaretse umuziki , ahubwo ko yakomeje gukora ibikorwa bitandukanye biri inyuma y’amarido. Yagaragaje ko hari gahunda nyinshi yari ari gukorana n’ubuyobozi bwa 1:55 AM hagamijwe kubaka umwihariko we no gutegura umusaruro uzaramba ku isoko ry’umuziki .
Uyu muhanzi yavuze kandi ko yifuzaga kubanza gushaka uburyo bwo gukora umuziki ujyanye n’icyerekezo cye ndetse n’ibyo abakunzi be bakeneye . Asanga rimwe na rimwe umuhanzi aba akeneye igihe gihagije cyo gutekereza no gutegura ibikorwa aho kwihutira gusohora indirimbo zidafite icyo zongerera urugendo rwe rw’ubuhanzi .
Kompressor yagaragaje ko ubu ibintu biri kugenda neza kandi ko hari imishinga mishya iri mu myiteguro . Yavuze ko abakunzi be bakwiye gukomeza kumushyigikira kuko hari ibikorwa byinshi azabagezaho mu minsi iri imbere ,birimo indirimbo nshya n’indi mishinga ijyanye n’umuziki .
Yasoje ashimira ubuyobozi bwa 1:55 AM n’abakunzi be bakomeje kumugirira icyizere muri iyi myaka yose. Yemeje ko igihe cyo kongera kumvikana cyane mu muziki kigeze , anizeza abakunzi be ko bazabona umusaruro mushya uzagaragaza impinduka n’iterambere amaze kugeraho .
