Ku wa Gatatu, tariki ya 17 Nzeri 2025, ku cyicaro cy’Akarere ka Nyarugenge habereye inama ngarukagihembwe y’ubukangurambaga ku mishinga ibyara inyungu ikorerwa abaturage. yahuje inzego zitandukanye zifite aho zihuriye no guteza imbere ubucuruzi n’imishinga mito n’iciriritse. Iyi nama yatangiriye saa tatu za mu gitondo (09h00) ikaba yari igamije kurebera hamwe uko ibikorwa bigenda, kuganira ku bibazo bibangamiye abacuruzi ndetse no gufata ingamba zo kurushaho gutanga serivisi zinoze.
Mu bitabiriye harimo Ikigega cy’Igihugu gishinzwe gutera inkunga imishinga mito n’iciriritse(BDF), abakozi bashinzwe amakoperative ndetse n’ibigo bito n’ibiciriritse mu mirenge yose y’Akarere ka Nyarugenge, hamwe n’abajyanama mu bucuruzi (BDA) bakorera muri ako karere.
Mu murongo w’ibyigwa, hanagarutswe ku mikorere ya SACCOs z’imirenge nkuko zahujwe hakabaho District SACCOs mu karere, aho hanasesenguwe uko zikomeje kuba igicumbi cyo kwegera abaturage no kuborohereza kubona inguzanyo ziciriritse. Abitabiriye bagarutse ku ruhare rwazo mu guha abaturage ubushobozi bwo kwizigamira no gutinyuka kwinjira mu bikorwa by’iterambere.
Intumwa ya BDF yatanze ikiganiro cyibanze ku buryo iki kigo gikomeza gufasha abacuruzi bato kubona inguzanyo binyuze mu ngwate itangwa ya 75%, hagamijwe kuborohereza kubona ubushobozi bwo gutangira cyangwa kwagura imishinga. Yagarutse kandi ku ruhare rwa BDF mu gufasha urubyiruko n’abagore guhanga imirimo itanga umusaruro.
Iyi nama yari iteganyijwe gukoranwa n’Umuyobozi wungirije w’Akarere ka Nyarugenge, ariko ntiyabashije kuboneka ku mpamvu zitandukanye, ahagararirwa na Murebwayire Betty, Umuyobozi ushinzwe imirimo rusange mu Karere ka Nyarugenge. Mu ijambo rye, yashimye ubufatanye bw’inzego zose zagiye zitabira inama, agaragaza ko ari uburyo bwo gusangira ibitekerezo bigamije iterambere rirambye ariko kandi ko hagomba gutunga itoroshi mumitangire yinguzanyo kuko bigaragara ko hari ibigo bigaragara ko bidahindura intambwe kuri NPL yabyo. Yagize ati: “Ubufatanye nk’ubu ni bwo buzatuma dushobora gushyigikira abacuruzi bato n’abanyamuryango ba SACCOs kugira ngo ibikorwa byabo bibashe gutera imbere mu buryo burambye ikindi kandi Nti dukwiye kwita kubacuruzi ba nini gusa kuko saccos zaziye kuzamura imibereho yabaturage niterambere ryabo nubwo hari za SACCOs zigaragara ko zikiri hasi mumitangire yinguzanyo .”
Nyuma y’ibiganiro byatanzwe, habayeho n’igihe cyo gusangira ibitekerezo aho abitabiriye bagaragaje ibibazo bitandukanye birimo imbogamizi mu kubona inguzanyo nkaho BDA umwe yagaragaje ko gutinda kwinguzanyo bituma abaturage batakariza icyizere SACCOs ndetse naba BDAs rimwe narimwe bakigira mubindi bigo byimari bitanga quick services, ndetse nimiyoborere y’amakoperative n’uburyo bwo gukomeza kongera ubushobozi bw’abajyanama mu bucuruzi ku rwego rw’imirenge.
Iyi nama yasojwe hashimangirwa ko ubufatanye hagati ya SACCOs, BDF, abajyanama mu bucuruzi n’inzego z’ibanze ari ingenzi mu kurushaho guteza imbere ibikorwa by’ubucuruzi no kuzamura imibereho y’abaturage ba Nyarugenge. Ikindi kandi abayobozi bavuze ko bagiye gukorera ubuvugizi aba BDAs kubibazo bagaragaje harimo nicya voucher nubwo hagaragaye ko iyo umukiriya aje afite umushinga urenga 10million hagomba kubaho negotiation na BDA ugiye kumufasha gutegura umushinga.
