Igikombe cy’Isi cya 2026 kizaba gifite umwihariko udasanzwe kuko ari bwo bwa mbere mu mateka kizitabirwa n’amakipe 48. Aya makipe yagabanyijwe mu matsinda 12, buri tsinda rigizwe n’amakipe ane. Mu mikino y’amatsinda, buri kipe izakina imikino itatu ihura n’andi makipe yo mu itsinda ryayo. Nyuma y’iyi mikino, amakipe abiri ya mbere muri buri tsinda ndetse n’amakipe umunani ya gatatu azaba yitwaye neza kurusha andi, azahita akatisha itike y’icyiciro gikurikiraho. Ibi bivuze ko amakipe 32 ari yo azava mu matsinda akomeza urugendo rwo guhatanira igikombe.
Nyuma yo kuva mu matsinda, amarushanwa azakomereza mu cyiciro cya 1/16 (Round of 32), aho amakipe 32 azahura mu mikino ya kamarampaka. Iki cyiciro kizakurikirwa na 1/8 (Round of 16), hanyuma hakomeze 1/4 cy’irangiza, 1/2 cy’irangiza ndetse n’umukino wa nyuma. Muri ibi byiciro byose, ikipe itsinzwe ihita isezererwa, mu gihe iyatsinze ikomeza imbere. Iyi gahunda nshya ya FIFA izatuma habaho imikino myinshi kurusha uko byari bisanzwe ndetse n’amakipe menshi agire amahirwe yo gukomeza mu marushanwa.
Abakunzi ba ruhago ku Isi yose bamaze amaso iyi format nshya kuko izatanga imikino 104 yose hamwe, ikaba ari yo myinshi kurusha ibindi Bikombe by’Isi byose byabayeho. Benshi bemeza ko aya marushanwa azaba arimo surprises nyinshi, cyane cyane ko ibihugu byinshi byabonye amahirwe yo kwitabira iri rushanwa ku nshuro ya mbere. Mu gihe imikino y’amatsinda igiye gutangira, amaso y’abafana azaba areba uko amakipe akomeye nka Argentine, Espagne, u Bufaransa, Brésil na Maroc azitwara, ndetse n’icyo amakipe mashya azashobora gukora muri iri rushanwa ry’amateka.
