Umunyamakuru akaba n’umu-DJ ukomeye mu Rwanda , Phil Peter , yamaze guteguza igitaramo cy’amateka cyitiriwe” Ivy Filipiano Fest ” kizabera mu karere ka Rubavu . Iki gitaramo kije gikurikira ibindi bikorwa bikomeye by’imyidagaduro biteganyijwe muri aka gace k’ubukerarugendo mu mugihe cy’izuba , kikaba cyitezweho gushyira itafari rya mbere ku gushimisha abakunzi b’umuziki .
Iki birori biteganyijwe kuba ku itariki ya 05 Nyakanga 2026 . Kizabera mu mujyi wa Gisenyi , ahantu hazwi nka Nengo Eden Park Hotel , hakunze kwakira ibirori bitandukanye bishimisha abasura n’abatuye uyu mujyi uri ku nkombe z’ikiyaga cyo mu Burengerazuba .
Intego nyamukuru y’iki gitaramo ngarukamwaka cyiswe “Ivy Filipiano Fest” ni ugufasha abantu kuryoherwa n’ibihe by’izuba (Summer Time ) binyuze mu mudiho wa Amapiano n’Afro House . Phil Peter ,usanzwe azwiho gushyushya urubyiniro , yijeje abanya-Rubavu n’abazaturuka i Kigali ko bahawe igorora rikomeye ry’umuziki mwiza .
Umujyi wa Gisenyi ubusanzwe uzwiho gukurura ba mukerarugendo n’abakunzi be’ibirori byo ku mazi cyane cyane mu bihe by’izuba . DJ Phil Peter akaba yarahisemo uyu mwanya kugira ngo abari mu biruhukon’abanyarwanda muri rusange bazamuke baje kuryoherwa . Intego nyamukuru ni ugufasha abantu kwishima , kubyina umuziki ugezweho , no guhura n’inshuti .
Kugira ngo iki gitaramo kirusheho kuryoha ,hamaze kwemezwa bamwe mu bahanzi bazafatanya na Phil Peter ku rubyiniro. Umunyandirimbo Gradine Toto wamamaye mu ndirimbo “Mayday” yamaze kwemeza ko azaba ahari . Gusa abategura iki gikorwa bavuze ko hari n’abandi bahanzi bakomeye bataratangazwa neza , ndetse hakaba harashyizweho n’amarushanwa ku mbuga nkoranyambaga .
DJ Phil Peter nka we utegura iki gikorwa ntiyigeze ahisha amatsiko y’imyiteguro afite . Binyuze ku mbuga nkoranyambaga nka Instagram na Facebook ,akomeje gushishikariza abantu gutangira kwandika iyi tariki mu makaye yabo . Abakunzi b’imyidagaduro na bo batangiye kwerekana ko biteguye kuzaza ari benshi .
Ibyamamare bitandukanye ndetse n’ibinyamakuru bikomeye bikomeje gukurikiranira hafi iyi nkuru . Biragaragara ko iyi mpeshyi uzafata umwanya wa mbere mu kugira impeshyi ishyuhe i Rubavu .Abari mu ngeri zose z’imyidagaduro mu Rwanda baritegura kubona uburyo ubukerarugendo n’umuzuki biyoboye .
