Umutoza Pep Guardiola yageze muri Manchester City mu mpeshyi yo mu mwaka wa 2016. Mu gihe cy’imyaka 10 I Manchester, yubatse ikipe idahangarwa na buri umwe, yahise ahindura imikinire y’u Bwongereza binyuze mu gukundisha abantu umupira w’u Buhanga (Tiki-Taka) n’ubundi buryo bw’imikinire mu kibuga, Kugeza mu mpera z’uyu mwaka w’imikino, Pep Guardiola amaze kwegukana ibikombe 20 ari kumwe niyi kipe ya Man City.
Bimwe mu bintu bikomeye cyane yakoze birimo, Gukora amateka yo kugeza amanota 100 Mu mwaka w’imikino wa 2017-2018, ibyo bikaba byarahise bimugira umutoza wa mbere mu mateka ya Premier League utwaye igikombe n’amanota 100. Gutwara Premier League inshuro 4 zikurikiranya, Yabaye umutoza wa mbere wabikoze kuva iyi shampiyona yabaho (hagati ya 2021 na 2024). Ikindi kandi yatwaye Igikombe cya Champions League cya mbere cya Man City.
Muri uwo mwaka wa 2023, yatwaye Premier League, FA Cup, na Champions League icyarimwe. Ibintu Bikomeye Bitandukanye Byamuranze harimo Guhindura Umupira w’u Bwongereza, kuko Mbere y’uko ahagera, abantu benshi bavugaga ko umupira we w’ubwenge n’udupasi (pass) ibyo bidashobora gukora mu bwongereza kubera impamvu zitandukanye harimo n’imikinire y’imbaraga (kick and rush) yari isanzwe mu bwongereza.
Gusa amaze kuhagera ibyo byose ntiyabyitayeho ahubwo atangira kubaka ikipe ye gahoro gahoro. Yagize uruhare rukomeye mu gutyaza Abakinnyi b’ibihangange barimo Kevin De Bruyne, Raheem Sterling, Phil Foden, ndetse no gukoresha neza rutahizamu Erling Haaland. Umuco wo gutsinda (Winning Mentality), Man City yawugize imashini itsinda ijoro n’amanywa, ku buryo kubura igikombe mu mwaka runaka byabaga ari gutungurana gukomeye cyane.
Amateka ya Pep Guardiola Muri Rusange Mbere yo kuza muri Man City Cyangwase Mbere yo kugera mu Bwongereza, Pep Guardiola yari asanzwe afite izina rikomeye mu mupira w’amaguru ku rwego rw’isi. Muri Barcelona (2008–2012): Yatwaye ibikombe 14 mu myaka 4 gusa. Aha nibwo umupirawe wa tiki-taka warimo utangira, ari nabwo Lionel Messi yarimo atangira kubaka izina. Yabaye kandi umutoza wa mbere watwaye “Sextuple” (Ibikombe 6 mu mwaka umwe wa kalendari mu 2009).
Muri Bayern Munich (2013–2016): Yatwaye ibikombe 7 birimo n’ibikombe 3 bya Bundesliga bikurikiranya. Kuri ubu ni umutoza ufite ibikombe 41 mu mwuga we w’ubutoza. Akaba umutoza wa kabiri utwaye ibikombe byinshi mu mateka y’umupira w’amaguru, aho akurikira gusa Sir Alex Ferguson ufite ibikombe 49. Umukino we wanyuma nk’umutoza wa Man City uzaba Taliki ya 24 Gicurasi 2026. Abafana ba Manchester City n’abakuzi b’umupira w’amaguru muri rusange bazahora bamwibukira ku gukora ibyo abandi babonaga nk’ibidashoboka
