Premier league yasohoye urutonde rwabakinnyi 8 bazavamo umukinnyi mwiza w’umwaka ndetse n’abatoza 6 beza bazavamo umutoza mwiza w’umwaka w’imikino 2025-2026 ndetse n’abakinnyi 8 bazatoranywamo umukinnyi mwiza ukiri muto aho atorwa hashingiwe kuko yitwaye mu mwaka wimikino.
Muri abo bakinnyi uko ari umunani harimo abakinnyi 3 ba Arsenal aribo David Raya, Declan Rice na Gabriel Magalhaes hakabamo abakinnyi ba 2 ba Manchester City aribo Erling Haaland na Antoine Semenyo barimo kandi kapiteni wa Manchester united Bruno Fernandes, Morgan Gibbs-white wa Nottingham forest ndetse na Igor Thiago wa Brentford .
Mubatoza beza batangajwe ko bazavamo umutoza mwiza w’umwaka ni Keith Andrew wa Brentford, Mikel Arteta wa Arsenal, Michael Carrick wa Manchester united, Pep Guardiola wa Manchester city, Andoni Iraola wa Bournemouth, na Regis Le Bris wa Sunderland.
Icyo imibare ivuga kuruhande rwabakinnyi bazatoranywamo umukinnyi mwiza wumwaka Bruno Fernandes wa manchester united yatsinze ibitego 8 anatanga imipira 19 yavuyemo ibitego(assists),Gabriel Magalhaes yatsinze ibitego 3 anafasha Arsenal kumara imikino 16 batinjijwe igitego (clean sheets).
Morgan Gibbs-White wa Nottingham Forest yatsinze ibitego 13 anatanga imipira 4 yavuyemo ibitego, Erling Halland wa manchester city yatsinze ibitego 26 anatanga imipira 8 yavuyemo ibitego naho David Raya nkumuzamu wa Arsenal yakuyemo imipira 60 yashoboraga kuvamo ibitego (save) ndetse anafasha arsenal kumara imikino 18 itinjijwe igitego (clean sheets).
Declan Rice wa Arsenal yatsinze ibitego 4 anatanga imipira 5 yavuyemo ibitego (assists),Antoine Semenyo wa Manchester city yatsinze ibitego 16 ndetse anatanga imipira 4 yavuyemo ibitego (assists) ni mugihe Igor Thiago wa brentford we yatsinze ibitego 22 anatanga umupira 1 umwe wavuyemo igitego (assist).
Kuruhande rwabatoza Keith Andrew wa Brentford yakinnye imikino 36 atsinda 14 anganya 9 atsindwa 13, Mikel Arteta wa Arsenal yakinnye imikino 36 atsinda 24 anganya 7 atsindwa 5, naho Michael Carrick yakinnye imikino 15 atsinda 10 anganya 3 atsindwa 2.
Pep Guardiola wa Manchester city yakinnye imikino 36 atsinda 23 anganya 8 atsindwa 5, Andoni Iraola wa Bournemouth yakinnye imikino 36 atsinda 13 anganya 16 atsindwa 7, nimugihe Regis Le Bris wa Sunderland yakinnye imikino 36 atsinda 12 anganya 12 ndetse anatsindwa 12.
Premier League kandi yatangaje abakinnyi 8 bazatoranywamo umukinnyi mwiza ukiri muto wumwaka abo ni Rayan Cherki wa Manchester city watsinze ibitego 4 akanatanga imipira yavuyemo ibitego 12, Mateus Fernandes wa Westerham united watsinze ibitego 3 agatanga nimipira 3 yavuyemo ibitego .
Harimo kandi Lewis Hall wa Newcastle united watsinze igitego 1 akanafasha iy’ikipe kumara imikino 3 itinjijwe igitego (clean sheets), Michael Kayode wa Brentford watsinze igitego 1 akanafasha iy’ikipe kumara imikino 8 itinjijwe igitego (clean sheets).
Harimo kandi Junior Kroupi wa Bournemouth watsinze ibitego 12 akarema n’uburyo 21 bwashoboraga kuvamo ibitego (chance Created), Kobbie Mainoo wa manchester united watsinze igitego 1 ndetse anatanga imipira yavuyemo ibitego 2.
Harimo kandi Nico O’Reilly wa Manchester city watsinze ibitego 5 anafasha Manchester city kumara imikino 5 itinjijwe igitego (clean sheets), ndetse na Alex Scott wa Bournemouth watsinze ibitego3 ndetse atanga umupira 1 wavuyemo igitego.
