Mu karere ka Karongi, mu Murenge wa Gishyita, haravugwa inkuru idasanzwe y’ubujura bwibasiye ibendera ry’Igihugu ryari rizamuwe ku biro by’Akagari ka Buhoro. Amakuru yemejwe n’ubuyobozi bw’Akarere avuga ko iryo bendera ryibwe mu ijoro ryo ku wa Mbere, ubwo umuzamu n’abanyerondo babiri bararaga ku biro by’Akagari bari basinziriye.
Abo bagabo batatu bahise batabwa muri yombi na Polisi kugira ngo bakorweho iperereza, kuko bikekwa ko uburangare bwabo bushobora kuba bwagize uruhare muri ubwo bujura. Ubuyobozi buravuga ko iryo bendera ryibwe ritari rishaje kandi ko ari icyubahiro gikomeye rigomba kubahwa nk’ikimenyetso cy’ubumwe n’ubusugire bw’igihugu.
Kugeza ubu ntiharamenyekana uwaba yibye iryo bendera ndetse nicyatumye ryibwa ninayompamvu iperereza riracyakomeje kugira ngo hamenyekane aho iryo bendera ryajyanywe n’ababa baritwaye .
