Kigali, 24 Ukwakira 2025 Rutahizamu mushya wa Rayon Sports, Yves Habimana, yigaragaje ku nshuro ya mbere nk’intwaro ikomeye mu busatirizi bw’iyi kipe, nyuma yo gutsinda igitego cyonyine cyahesheje ikipe ye intsinzi ya 1-0 imbere ya Amagaju FC mu mukino wabereye kuri Pere Stadium iherereye Kigali – Nyamirambo.
Ni umukino wari witezwe cyane n’abakunzi ba Rayon Sports, cyane ko iyi kipe yari imaze imikino ibiri idatsinda. Habimana, waje muri iyi kipe avuye muri Rutsiro F.C, yatsinze igitego mu gice cya kabiri ku munota wa 47urangira nyuma yo kuzuza neza umupira wari uvuye kuri Myugariro wikipe bari bahanganye.
Iki gitego cyashimishije cyane abafana b’iyi kipe y’ubururu n’umweru, bari bamaze igihe bibaza niba Rayon Sports izongera gusubira ku murongo w’intsinzi. Umutoza w’iyi kipe,Haruna feruzi, yatangaje ko yishimiye uburyo abakinnyi be bitwaye n’imbaraga bagaragaje mu mukino ugoye.
“Twakinye dufite intego, kandi Yves (Habimana) yakoze icyo twamwitezeho. Iyi ni intangiriro nziza ku rugendo rwe muri Rayon Sports,” — Haruna feruzi
Ku ruhande rwa Amagaju FC, umutoza Niyonteze Patrick yemeye ko ikipe ye yakinnye neza ariko igatakaza umukino kubera amakosa yoroheje mu guma mu kibuga no mu gucunga umupira.
Rayon Sports yahise ikomeza kwiyongerera amanota mu mikino ya Shampiyona, yongera icyizere cyo kurwanira imyanya y’imbere. Ku rundi ruhande, Yves Habimana yabaye intwari y’umunsi, abafana bamusanga ku mbuga nkoranyambaga bamushimira cyane ku gitego cye cya mbere.
— Inkuru yateguwe na MUCYO Felicien
