Mu gitondo cyo kuri uyu wa Gatandatu, mu Karere ka Nyarugenge, Umurenge wa Nyakabanda, habereye impanuka y’imodoka ebyiri zagonganiye ahazwi nka High Table neza neza mumarembo yayo, hafi y’ibiro by’Umurenge.
Amakuru ku byabaye atangazwa numunyamakuru wa mavete.com nkumumu waruhibereye avuga ko imodoka imwe yamanukaga iva ku murenge igonganye n’indi yavaga ahazwi nko kwa Kibonke, zikubitana n’imodoka ntoya ndetse na moto yari hafi aho. Amahirwe ni uko nta muntu wapfuye, nubwo bamwe bagize ububabare bworoheje bakajyanwa kwa muganga.
Polisi y’u Rwanda yahise ihagera iratabara, ikuraho ibinyabiziga byagonganye kugirango bidahagarika urujya n’uruza rw’abagenzi, itangira gukora dosiye y’iperereza kugira ngo hamenyekane icyateye impanuka, mbere yo gukurikiza amategeko abigenga.
Abaturage basabwe gukomeza kwitwararika mu muhanda no kugendera ku muvuduko wemewe kugira ngo impanuka nk’izi zikumirwe hakiri kare nkuko police y’urwanda ihora ibitangaza inabishishikariza abayobozi bibinyabiziga bakunda gukoresha umuhanda.
