Ikipe ya Kiyovu Sports yatsinze AS Kigali ibitego 3-0 mu mukino wabereye kuri Stade pele yigaragaza nk’ikipe iri gukomera no kongera kwerekana ko ishobora guharanira imyanya yo hejuru muri shampiyona ndetse no guharanira ibikombe.
Uyu mukino watangiye ubona buri ruhande rushaka uko rwashyira igitutu ku rundi, gusa Kiyovu ibanza kwinjira neza mu mukino ari nako yihariye umupira mu kibuga hagati. Ku munota wa 21, Kiyovu yafunguye amazamu ku gitego cy’ubuhanga cyatsinzwe na Moise sadja bulaya nyuma yo kubaka neza ataque, gikomeza kuzamura amarangamutima y’abafana bayo bari ku kibuga nubwo batari benshi nkuko bigaragara.
Amakipe yombi yakomeje guhatana, AS Kigali ishaka uko yakwishyura ariko abakinnyi ba Kiyovu bugarira neza, iminota 45 y’igice cya mbere irangira ari igitego 1-0. Mu gice cya kabiri, Kiyovu Sports yagarutse ifite imbaraga n’inyota yo kongera umubare w’ibitego. Byaje no kubyara umusaruro ubwo kumunota wa 66 wigice cya kabiri, yinjizaga igitego cyatsinzwe na Niyo David naho kumunota wa wa 70 hinjira ikindi gitsinzwe na Uwineza Rene, bikomeza kugaragaza ubwirinzi bwa AS Kigali bw’uyu munsi ko bunaniwe.
Umukino warangiye Kiyovu Sports itsinze AS Kigali ibitego 3-0, itsinzi yatumye abafana bayo bishimira imikinire inoze n’intsinzi y’umunsi. Umutoza wa Kiyovu Sports yashimye imikinire y’ikipe ye n’imyitwarire y’abakinnyi, avuga ko iyi ntsinzi yubaka ikizere cy’indi mikino iri imbere anongeraho ko bamuhaye imwe murariya makipe ya sudani yiteguye gukina nayo.
Ku ruhande rwa AS Kigali, umutoza yemeje ko hari intege nke kandi ko harimo nibibazo mwikipe kandi ko ikibazo kinini ari imishahara yabakinnyi igera kumezi atatu batarabona ariko kandi bitakabaye urwitwazo ko bagiye kwegerana bakareba ibyakorwa , abajijwe ko bashobora kumwereka umuryango bakamwirukana kubera umusaruro mubi avuga ko akiri umujeune kandi ko babonye ikibazo ariwe ugitera ntakibazo yabyemera akagenda nubwo we ataribyo yifuza cyane mu bwugarizi zikeneye gukosorwa vuba.
Kiyovu Sports ikomeje kwerekana ko ishaka gusubira ku rwego rwo hejuru, mu gihe AS Kigali nayo ikeneye gutekereza ku ngamba nshya n’uburyo bwo kuzamura urwego rw’abakinnyi bayo.
