Umuhanzi akaba n’umu-DJ ukomeye mu Rwanda, DJ Pius, yatoranyijwe mu bazataramira abafana b’umupira w’amaguru mu iserukiramuco rya FIFA Fan Festival 2026 riri kubera mu mujyi wa Boston muri Leta Zunze Ubumwe za Amerika. Iri serukiramuco ryahariwe guherekeza imikino y’igikombe cy’isi cyatangiye ku wa 11 Kamena 2026 mu bihugu bya amerika, Canada, na Mexico.
Uyu muhanzi utegerejwe n’abakunzi b’umuziki muri Amerika , azacurangira kuri Boston City Hall Plaza ku wa mbere, tariki ya 15 Kamena 2026. Muri uyu muganda w’imyidagaduro, DJ Pius azafatanya n’abandi bavanga imiziki barimo DJ Mike, na DAN mu gushimisha ibihumbi by’abafana bitabiriye iri serukiramuco ngaruka mwaka rya FIFA.
Iri serukiramuco rya Boston’s FIFA Fan Festival ryatangiye ku mugaragaro ku wa 12 Kamena, rikaba ryitezweho guhuza abaturage n’abashyitsi baturutse imihanda yose baje kureba imikino y’igikombe cy’Isi binyuze muri sinema nini, basangira amafunguro, banabyina imiziki itandukanye.
Gutoranywa kwa DJ Pius nka we muhanzi n’umu-DJ uhagarariye u Rwanda ni igisobanuro gikomeye kigaragaza urwego umuziki nyarwanda n’ubushongore bwe mu kuvanga imiziki bimaze ku rwego mpuzamahanga .
Kuri ubu, DJ Pius amaze iminsi muri Amerika aho akomeje ibitaramo bitandukanye. Nyuma yo gushimisha abantu mu birori bitandukanye mu mezi ashize nka Afro City Music Festival yabaye muri Gicurasi, uyu munsi tariki ya 13 kamena 2026 afite ikindi gitaramo yise Zinga Salem Edition cyabereye i New Hampshire, mbere yo kwerekeza muri iri serukiramuco ry’igikombe cy’isi cy’umupira w’ amaguru.
