Bamwe mu baturage bagura amatelefone bita “occasion” bakomeje gutabaza nyuma yo kugura ibyo bikoresho bigapfa mu gihe gito cyangwa bakaza kwitaba inzego z’umutekano bashinjwa ko baguze ibijurano. Ibi bibazo byongeye kugaragara mu gihe ubuyobozi bushishikariza abaturage kugurira ibikoresho by’ikoranabuhanga mu bacuruzi bemewe cyangwa mu makoperative yanditse .
Abenshi muri abo baguzi bavuga ko bagorwa no kumenya abacuruzi memewe cyangwa abakorera muma cooperative ngo kuko iyo ugezeyo usanga mwisoko harimo abantu bakodesha amaseta bakora byemewe ariko ukaba utabatandukanya kuko baba bari kumwe nabandi babiyometseho bacuruzanya utamenya nyiri iseta kuko ngo uhagurira uyu munsi ejo wasubirayo ugasanga uwo waguze nawe ntawe ati: “Naguze telefone i Nyabugogo, ariko iminsi ibiri itarashira yarazimye burundu. Nayisubiyeyo nsanga uwo muntu ntazwi kandi nimero ye yari iri kugipapuro naguriyeho ntikiba kumurongo”
Undi muturage utarashatse ko amenyekana, avuga ko yaguze telefone kuri posita ya Kigali aho hari abasore basanzwe bacururiza mu isoko riri mugikari cyiriya nyubako iri imbere ya makuza peace plaza, bayamwereka nk’aho ari nshya, ariko nyuma y’iminsi mike akaza gufatwa n’inzego z’umutekano zimushinja gukoresha telefone yibwe. Ati: “Narayiguze ku iposita mu buryo busanzwe, ariko hashize icyumweru RIB iramfata ngo telefone yibwe. Nari nzi ko ari iy’umucuruzi wemewe, ariko sinigeze menya ko nashobora kugwa mu kinyoma nk’icyo.”
Ubuyobozi , Harimo RIB na police y’uRwanda bwasabye abaturagegushishoza ndetse no kujya bagura amatelefone mu maduka afite ibyangombwa byemewe, kugira ngo birinde ibibazo by’uburiganya cyangwa kubura aho baregera igihe habaye ikibazo. Bwasabye kandi abacuruzi gukora mu mucyo, bakajya batanga fagitire n’ibimenyetso by’aho telefone yavuye.
Abasesengura bavuga ko ikibazo gikwiye gusubizwa mu buryo bigakemurwa muburyo burambye binyuze mu gukaza igenzura ku masoko acuruza ibikoresho by’ikoranabuhanga, ndetse no guhugura abaturage ku bijyanye no kumenya ibirango n’ibyangombwa byemewe. Ibi bikaba byatuma ubucuruzi bw’amatelefone akoreshaje bukorwa mu buryo bwizewe, butabangamira umutekano n’uburenganzira bw’abaguzi.
