Mu karere ka Nyamagabe, haravugwa inkuru yateje AMAGAMBO nyuma y’uko Gitifu w’Umurenge wa Nkomane asubije Mayor we Hildebrand Niyomwungeri mu buryo bwatunguye benshi.
Byatangiye ubwo Gitifu yari mu kiruhuko (congé), maze Mayor amuhamagara kugira ngo amwibutse inshingano zimurindiriye. Mu kumusubiza, Gitifu yavuze amagambo akomeye ati:
“Twara akazi kawe, nari ndambiwe ko uncunaguza n’intonganya zawe.”
Aya magambo akomeye yahise acicikana mu baturage no ku mbuga nkoranyambaga, benshi bibaza niba bikwiye ko umuyobozi ushinzwe kwita ku baturage yifatira imyanzuro nk’iyo mu gihe akazi gasaba ubwitange n’ubushishozi.
Abakurikiranira hafi imiyoborere bavuga ko ibi bigaragaza icyuho gikomeye mu buryo bwo gucunga abakozi no kubaka imibanire myiza hagati y’abayobozi n’abo bayobora. Umwe mu baturage bo muri Nyamagabe yagize ati:
“Umuturage ntazagerwaho n’ibyiza igihe abayobozi badashobora gukorana mu bworoherane. Abayobozi bacu bakwiye kudusigasira aho kudusuzugura.”
Abasesenguzi basaba ko abakozi ba Leta bigira kuri HE PAUL KAGAME umuco wo kwiyoroshya, gukorera hamwe no gushyira imbere inyungu z’umuturage, kuko ubuyobozi budashingiye ku bumwe n’ubushishozi bwangiza icyizere cy’abaturage mu nzego za Leta.
