Umuhanzikazi Uwimanzi Oda Martine, uzwi mu muziki nka La Reïna, ari mu myiteguro yo gusohora EP ye ya mbere yise “1”, igikorwa kigaragaza intambwe ikomeye mu rugendo rwe rw’umuziki. Iyi EP igizwe n’indirimbo esheshatu zirimo Désolé, Nzaba Mpari, Mama, Tell Me, ndetse na Promise yakoranye n’umunyamuziki Prince Kiiiz. Biteganyijwe ko izajya hanze ku wa Gatanu, tariki 7 Ugushyingo 2025, binyuze ku mbuga zose zicururizwaho umuziki we.
Abasesengura umuziki bavuga ko La Reïna ari mu bakobwa bake bari guharanira umwanya wimbere mu njyana zigezweho nka Afro-fusion na R&B mu Rwanda, akoresheje amagambo afite umwimerere, yiganjemo ubutumwa bw’ubuzima bwa burimunsi rw’ibihe umuntu agenda anyuramo. Muri iyi EP, humvikanamo imirongo igaragaza ubushobozi bwe mu guhuza indirimbo z’agahinda n’iz’ihumure mu buryo bworoheye amatwi (slow). Avugana nitangazamakuru ubwo bammubazaga aho yakuye igitekerezo cyo kwita EP ye 1 yasobanuye ko bifitanye isano numubare 1,mama umwe,urukundo rumwe, cyangwase bigaterwa nukowowe waba ushaka kubisobanura.
Mu byo iyi mpano nshya, ndavuga umunyempano mushya yibandaho harimo gutanga ubutumwa buvuye ku mutima, bugaragaza ubumuntu, urukundo n’imbogamizi z’urugendo rwo gukura no kubaka icyizere. Uretse gutumira Prince Kiiiz, bitangazwa ko La Reïna yakoranye n’itsinda ry’abatunganya amajwi bari kuzamuka, bigaragaza ko ari umuhanzi udashaka kugendera ku kigare cy’amazina manini gusa, ahubwo yiyubakira umusingi we yifasha anafasha kuzamura amazina yaba producer bato.
Indirimbo Mama yitezweho gukurura amarangamutima menshi kubera ko ifata ku mateka y’umuryango n’ihumure, mu gihe Tell Me yinjira mu mikorere ya Pop yoroheye abumva umuziki mpuzamahanga. Désolé yo irimo indirimbo yo gusaba imbabazi ku byacitsemo hagati y’abantu babanaga neza. Ibi bituma EP ye igaragara nk’irembo rifungura inkuru nyinshi z’ubuzima zigera ku batari bake.
Abakurikiranira hafi iby’umuziki nyarwanda bavuga ko gushyira hanze iyi EP ari intangiriro y’urugendo rushobora gukora impinduka ku mwihariko w’amajwi nipano z’abahanzikazi . Ku ruhande rw’abakunzi b’umuziki. La Reïna mu butumwa bwe bwagarutse kuri iyi EP, yagaragaje ko ari umushinga mw’ijwi rwe n’indangagaciro z’ubuhanzi bwe, ugamije kwerekana “umukobwa utinya guhindura ibintu, uvuga ibyo yumva kandi atavanaho ubworoherane bw’umutima.”
Tudaiye ikibungo rero uyu muhanzi kazi afite impano itangaje kandi ikomeye kuburyo nanyuma yiyi EP twiteze ko azanakora cyane agasohora albumu ikubiyeho ibihangano bye byiza kandi bikoranye ubuhanga nikinyarwanda cyumwimerere.
