Kampala, 15 Ukwakira 2025Perezida wa Repubulika ya Uganda, Yoweri Kaguta Museveni, yihanganishije abaturage ba Kenya nyuma y’urupfu rwa Rt. Hon. Raila Amolo Odinga, wabaye Minisitiri w’Intebe wa Kenya, amwita “umurwanyi w’ubwigenge n’intwari y’ubumwe bwa Afurika.”Mu itangazo yasohoye kuri uyu wa Kabiri, Museveni yavuze ko inkuru y’urupfu rwa Odinga yamugezeho “n’agahinda kenshi,” ashimangira ko Odinga atari umunyapolitiki usanzwe ahubwo yari “umurwanashyaka w’ukuri, wakomeje umurage yise Jaramogi Odinga, wabaye Visi Perezida wa mbere wa Kenya.”Museveni yavuze ko yaba Jaramogi ndetse na Raila Odinga bombi bari bafite “imitekerereze ya gi patriote kandi ya Pan-Africanisme,” ndetse ko bagiye baharanira ubumwe n’iterambere rya Kenya, Afurika y’Uburasirazuba ndetse n’umugabane muri rusange.“Nagiye nsangira nabo ibitekerezo byinshi byerekeye ubumwe n’iterambere ry’Afurika. Raila yahoranaga umuhate wo gushyigikira inzozi zacu zo gushinga Federasiyo y’Afurika y’Uburasirazuba,” nuko Museveni yabivuze.Perezida Museveni yavuze ko urupfu rwa Odinga rubaye “igihe kitoroshye,” kandi asaba urubyiruko rwa Afurika “kwigira kuri ayo mateka no gukomeza urugendo rw’abakurambere barwaniriye ejo hazaza h’umugabane.”Museveni yasoje ubutumwa bwe yihanganisha Perezida William Ruto, umuryango wa Raila Odinga ndetse n’abaturage ba Kenya bose, yifuriza nyakwigendera “kuruhukira mu mahoro y’iteka.”
Abahanga mu bya politiki muri Afurika y’Uburasirazuba bavuga ko amagambo ya Museveni agaragaza uburyo yubahaga Odinga nk’umuntu wagiye arenga imbibi za politiki y’imbere mu gihugu, akabera ijwi ry’ubumwe bwa Afurika.
