APR FC yatsinze Marine FC 2–1 mu mukino ukomeye wabereye kuri Stade Kigali Pele kuri uyu wa Kabiri, ikipe y’ingabo z’igihugu ikomeza kugaragaza ubukombe n’ubushongore mu mupira w’u Rwanda. Ni umukino wari utegerejwe na benshi kuko wahuje amakipe yombi akomoka mu ngabo, bituma wambika isura yihariye iyi “derby ya gisirikare”.
Stade yari yuzuye abafana b’impande zombi, baje gushyigikira amakipe yabo mu buryo bw’umwuga, bituma umukino uryohera amaso kubawurebaga. APR FC yinjiriye mu mukino ifite imbaraga n’intumbero yo gufata iminota ya mbere, ikina umukino ukomeye mu kibuga hagati mu rwego rwo gusunika Marine FC mu buryo bwo kuyishyira ku gitutu.
Gusa nubwo APR FC yari iri hejuru mu mukino muri rusange, ni Marine FC yafunguye amazamu ku munota wa 45+1, Mbonyumwami atsinda igitego cyuzuyemo ubwenge n’ubuhanga, cyaje gitera imbaraga ku bakinnyi b’iyi kipe yo mu Burengerazuba. Iki gitego cyatumye Marine ijya kuruhuka iyoboye, bikomeza gutuma umukino urushaho kugira isura yo guhangana hagati y’impande zombi.
Mu gice cya kabiri, APR FC yagarutse mu kibuga isa n’iyindi kipe, umutoza ahindura uburyo bukinwa ndetse anahindura ishusho ya system y’umukino. Ibi byahise bigaragarira mu buryo bwo kubaka umukino no kotsa igitutu Marine FC mu mpande zombi z’ikibuga. APR FC yaje kwishyura igitego ndetse inakoreraho ikindi ku buryo bunoze, byose bibonetse mu gice cya kabiri, mu buryo bwerekanye ko impinduka zakozwe zatanze umusaruro.
Marine FC yakomeje kugerageza uko yabona igitego cyo kunganya, ariko APR FC yari ifite umutekano mu bwugarizi no mu mikino ya nyuma, irinda uko bishoboka igitego cyahindura uko umukino ngo bishure.
APR FC yasoje umukino itsinze 2–1, ikomeza kwiyubakiraho umusaruro n’icyizere mu rugamba rwo guhatanira imyanya ya mbere, mu gihe Marine FC igomba kugaruka mu mukino ukurikiyeho ikosora ibyamubayeho muri uyu munsi .
Umutoza wa Marine abajijwe icyateye gutsindwa kandi bari batsinze hakirikare yasobanuye ko babonye okasiyo ariko ntibayabyaze umusaruro ariko kandi ngo habayeho no gusimbuza nabi bituma bamutsinda, mugihe umutoza wa APR FC we yatangaje ko ntakindi uretse umuhate,nimbaraga no gusimbuza neza kuko aribyo ngo byamufashije guhindura umukino ikawuyobora ikanawutsinda.
