Nyuma yo gusoza neza umunsi wa mbere wa shampiyona, ikipe ya Rayon Sports yongeye gusubira mu kibuga kuri uyu wa mbere mu myitozo yayo ya mbere, igamije kwitegura umukino ukomeye izahuramo na Police FC ku wa Kane, tariki ya 2 Ukwakira 2025, kuri Kigali Pele Stadium, guhera saa 18h30.
Abakinnyi n’abatoza ba Rayon Sports berekanye imyitwarire yo gushaka gutsinda uyu mukino, aho imyitozo yari igamije kongera imbaraga, gushyira ku murongo uburyo bw’imikinire ndetse no guhuza abakinnyi bashya n’abasanzwe mu ikipe.
Uyu mukino uraza kugaragaza byinshi ku buryo Rayon Sports ishobora kwitwara muri shampiyona ya 2025/2026, kuko Police FC izwiho gukina umupira wihuse kandi ushingiye ku mirongo yo hagatindetse umukino wayo ukunda kugaragaramo imbaraga nyinshi.
Umutoza mukuru wa Rayon Sports yavuze ko intego ari ugutsinda no gukomeza guha abafana ibyishimo: “Tugomba kwitegura Police FC ku rwego rwo hejuru. Ni ikipe ikomeye, ariko natwe dufite icyerekezo cyo guhatanira igikombe.”
Biteganyijwe ko abafana ba Rayon Sports bazitabira ari benshi, dore ko umukino ubahuje na Police FC buri gihe uba ari ishiraniro, ukanahabwa izina rya “Derby y’umutekano” kubera amateka y’aya makipe yombi.
