Umukino w’umunsi wa 9 wa Rwanda Premier League wabereye kuri uyu wa 30 Ugushyingo 2025 wasize abakunzi b’umupira w’amaguru mu Rwanda banyuzwe n’intsinzi y’igitangaza ya Gorilla FC, itsinze Al Merreikh igitego 0-1 mu minota ya nyuma y’umukino, mu buryo bw’umwihariko n’ubw’umubare muto w’amakipe babasha kubyitwaramo neza.
Ni umukino watangiye mu buryo bwihuse, aho Al Merreikh yageragezaga gukoresha amahirwe yakiniraga imbere y’abafana bayo, naho Gorilla FC igakina yitonze ariko ifite intego yo gushaka amanota atatu akomeye. Mu gice cya mbere, amakipe yombi yagize amahirwe yo gutsinda ariko ntihagira igitego kinjira, abatoza bombi basubira mu rwambariro bagisuzuma uko umukino uhagaze banganya ubusa ku busa.
iGice cya kabiri cyatangiye ari amasiganwa y’ubuhanga no kurwana ku mupira hagati mu kibuga. Gorilla FC yagiye izamukana umupira binyuze kuri Khalifa Traoré na bagenzi be ariko umunyezamu wa Al Merreikh akaburizamo ayo mashoti y’umuriro. Abafana ba Al Merreikh ntibari bacitse intege, bakomeje gushyigikira ikipe yabo ishaka gutahana intsinzi.
Ariko ku munota wa 89, ibintu byafashe indi sura. Jernard Mbemba wa Al Merreikh yakoze ikosa rikomeye ku mukinnyi wa Gorilla FC, yari asanzwe afite ikarita y’umuhondo, ahita ahabwa indi ikarita ya kabiri ihinduka umutuku. Iki cyuho cyahise gituma Al Merreikh ikina ari abakinnyi 10 mu minota ya nyuma y’umukino.
Gorilla FC yahise ibona coup franc yatumye amakiriro ya Al Merreikh acika. Khalifa Traoré yateye umupira mwiza ufungura amazamu, itsinda igitego cy’intsinzi cyahinduye ishusho y’umukino mu buryo bugaragara.
Gorilla FC yatahanye amanota atatu y’ingenzi, mu gihe Al Merreikh isoje umunsi ibangamiwe no gutakaza umukinnyi ndetse n’intsinzi yari hafi yo gutahana, umutoza abajijwe ibyuyu mukino itakaje ntiyigize ahwema kwishyiramo ikibazo cyabasifuzi ko baba bayisifuriye nabi nyamara ariko avugako agihanganye kandi ntakibazo azazamuka .


