Nyarugenge: Umushoferi w’imodoka agonze umumotari ahita yiruka

Ku mugoroba wo kuri iyitariki ya 15 Nzeri 2025, saa mbili n’iminota 36 (20:36), mu karere ka Nyarugenge, umurenge wa Rwezamenyo, akagali ka Kabuguru ya 1 ahazwi nko kuri cafe du ciecre munsi ya depo yinzoga , habereye impanuka ikomeye y’imodoka aho umushoferi wimodoka yamanukaga agana nyabugogo atururuka inyuma umumotari ahungira munzira y’abanyamaguru imusangayo ihita igonga umumotari wari uhetse umugenzi. Amakuru tubonye avuga ko imodoka yagonze moto bikomeye,ikomeretsa bikomeye umumotari n’uwo yari ahetse, hanyuma umushoferi wayo agahita yiruka asiga abo bagonzwe mu muhanda.

Abaturage bahise bihutira gutabara, bamwe batanga ubutabazi bw’ibanze mu gihe abandi bahamagaye imbangukiragutabara. Umumotari ndetse n’umugenzi yari ahetse bose bari bameze nabi, bituma bahita bashyirwa muri ambulance bajyanwa ku bitaro kugira ngo bitabweho n’abaganga. Ababonye ibyabaye bavuga ko impanuka yabaye mu buryo butunguranye, ariko ikibabaje kurushaho ni uko umushoferi w’imodoka yahisemo guhunga aho kugira ngo afashe abakomeretse.

Nyuma yo gushakisha amakuru ku bagizweho ingaruka, byamenyekanye ko umumotari yitwa Nsengiyumva Jean paul, moto ye ikaba ifite purake RG 264T. Ku ruhande rw’imodoka yagonganye na moto, amakuru twabashije kubona ni uko yari ifite purake RAF 908Y.

Umwe mu banyerondo akaba numubaturage wari hafi y’ahabereye impanuka yagize ati: “Twabonye imodoka igonga moto bikomeye, umumotari n’umugenzi bitura hasi. Twahise duhuruza imbangukiragutabara, bahita bajyanwa ku bitaro kuko bari bameze nabi twahamagaye kandi inzego zumutekano police ishami ryo mumuhanda kugirango bakurikirane ibyiyo mpanuka. Ariko birababaje kubona umushoferi w’imodoka ahita yirukanka nk’aho ntacyabaue abaye.”

Kurubu abaturage basaba ko hakorwa iperereza ryihuse kugira ngo umushoferi w’imodoka ifite purake RAF 908Y aboneke kandi abazwe ibyo yakoze. Bavuga ko gucika ahabereye impanuka bidakwiye, kuko bitinza ubutabazi no gukurikirana ukuri kw’ibyabaye.

Leave a Reply

Your email address will not be published. Required fields are marked *