Kamonyi – Mu masaha make nyuma y’indi mpanuka yaraye ihabereye mugace ko ku Ruyenzi murako karere, hongeye kubera indi mpanuka mbi cyane ikomeye kuri uyu wa Kane , ahazwi nka Bishenyi abahazi ni hafi yurugabano rwa Kigali, ubwo imodoka itwara abagenzi ya kompanyi RFTC yo mu bwoko bwa Coaster, ifite nimero RAC 174W, yagonze umugenzi maze ahita yitaba Imana ako kanya ntano gusamba.
Amakuru yemejwe n’ababonye ibyabaye avuga ko iyi mpanuka yabaye ubwo iyo modoka yavaga mu mujyi wa Muhanga yerekeza i Kigali ville. Uwo mugenzi, wari uri mu nzira agana ku isoko rya Bishenyi, ngo yagerageje kwambuka umuhanda imodoka iza kumugonga itabasha guhagarara ku gihe kuko ngo shoferi yagerageje gufata feri bikanga.
Abaturage bo muri ako gace bavuze ko uburyo abashoferi batwara mu muhanda wa Kigali–Muhanga bukomeje gutera impungenge, cyane cyane mu masaha yo mu gitondo n’umugoroba aho imodoka zinyura ku muvuduko uri hejuru hakibazwa niba speed governor zitagikoreshwa ariyo mpamvu wenda abashoferi birara.
“Ni umuhanda ukunze gucamo imodoka nyinshi cyane ariko kandi izimpanuka zuruhererekane ntiharamenyekana ikiri kuzitera , abaturage bo barasaba ubuyobozi ko bukwiye gukaza igenzura ryimbitse. Inzego z’umutekano zahise zitabara, zimura umurambo zijyana mu buruhukiro bw’ibitar, mu gihe iperereza ku cyateye iyi mpanuka rikomeje.
Iyi mpanuka ije ikurikira iyabaye ku mugoroba wejo wo ku wa Gatatu i Ruyenzi nabwo ni umuhanda Kigali- Muhanga, aho imodoka nini (Howo) yari yagonze abantu batatu, igatuma umwe akomereka bikomeye ikagonga imodoka 8 ndetse ikangiza ninzu zabaturage. Abatuye Kamonyi barasaba ko hashyirwaho ingamba zihamye z’ubwirinzi, zirimo gukaza igenzura, gutunganya imihanda ndetse no gushyira amatara ahari ibyago byinshi by’impanuka.
