Marine FC yakiriye Rayon Sports mu mukino wari ukomeye cyane wabereye kuri Stade Umuganda kuri uyu wa 2 ugushyingo . Uyu mukino w’umunsi wa 6 wa shampiyona y’u Rwanda (RPL) wari wahuruje imbaga y’abafana, cyane cyane abakunzi ba Rayon Sports bari bazindukiye gushigikira ikipe yabo bakunda.
Guhera ku munota wa mbere, amakipe yombi yagaragazaga ubushake bwo kubaka imipira ihamye yavamo uburyo bwibitego. Rayon Sports yihariye umupira mu kibuga hagati binyuze kuri ba myugariro n’abarutahizamu bayo, mu gihe Marine FC yashyize muguprofita imipira miremire no gucunga amahirwe make ibonye ariko ntiyabahiriye. Nubwo habayeho gushaka uko hafungurwa amazamu, igice cya mbere cyarangiye 0-0, abatoza bombi basubira mu rwambariro bakora impinduka no kongera imbaraga mukibuga .
Mu gice cya kabiri, Rayon Sports yaje ifite inyota yo kubona intsinzi, ishotagura amashoti menshi ku izamu incuro nyinshi ariko umunyezamu wa Marine FC akabyitwaramo neza. Marine FC nayo yagerageje uburyo bubiri bwashoboraga kuvamo ibitego, ariko na bwo bwabahiriye kubera ubwirinzi bwubatse neza bwa Gikundiro.
Gushotagura ka rayon sport Byaje gutanga umusaruro ku munota wa 81’, ubwo Rayon Sports yabonaga igitego cy’intsinzi cyatsinzwe na Aziz Bassane, nyuma yo kuboneza umupira mu menyo ya rubamba. Ni igitego cyateye amarangamutima y’abafana ba Rayon Sports bari bakomeje gusakuza.
Nyuma yo gutsindwa, Marine FC yagerageje gutera igitutu kubwugarizi bwa Rayon Sports ishaka kwishyura—ariko iminota 90 irarangira amahirwe atabasekeye. Umusifuzi yongeraho iminota itanu y’inyongera ariko ntibahindura nakimwe.
