Ku wa 21 Ukuboza 2025, guhera saa moya z’ijoro (7:00 PM) kugera saa mbiri n’igice (8:30 PM), nibwo ibyamamare bitandukanye mu myidagaduro nyarwanda no hanze yayo byatangiye kugera muri Camp Kigali, ahabereye ibirori bisoza Ibihembo bya Isango na Muzika Awards 2025
Ni ibirori byari byitezwe cyane, kuko byari bihurijemo abahanzi, aba-producer, abanyamakuru, abakunzi b’umuziki n’abandi bafite aho bahuriye n’urwego rw’imyidagaduro. Ibi bihembo byari bihatanyemo ibyiciro bitandukanye by’ingenzi, bigamije gushimira no guhemba abahanzi n’abafatanyabikorwa bagize umwaka mwiza wa 2025.
Ibyiciro Bikomeye Byahataniwe Muri ibihembo byatanzwe, ibyiciro byari ku isonga birimo Umuhanzi w’igitsina gore w’Umwaka (Best Female Artist of the Year) Umuhanzi w’igitsina gabo w’Umwaka (Best Male Artist of the Year) Indirimbo y’Umwaka (Best Song of the Year) Umuzingo w’Indirimbo w’Umwaka (Best Album of the Year) Umuhanzi Uririmba Indirimbo zo Kuramya no Guhimbaza Imana w’Umwaka (Best Gospel Artist of the Year) Umuhanzi Uri Kuzamuka Neza w’Umwaka (Best New Artist of the Year) Hakiyongeraho n’ibindi bihembo bitandukanye byashimiye umusanzu w’abahanzi, aba-producer n’abandi bafatanyabikorwa bagize uruhare runini mu iterambere ry’umuziki nyarwanda mu mwaka wa 2025
The BEN Yegukanye Igihembo Cy’Umuhanzi w’Umwaka wa 2025
Umuhanzi The BEN ni we wegukanye igihembo gikomeye cy’Umuhanzi w’Umwaka wa 2025. Mu butumwa yatanze amaze kwakira iki gihembo, The BEN yagaragaje umutima wo kwicisha bugufi, aho yatuye iki gihembo Umwana we (Runa Ola Mugisha)nabandi bahanzi bari bahanganye, barimo na Bruce Melodie, ashimangira ko intsinzi ari iy’umuziki nyarwanda muri rusange
Bruce Melodie Atsindira Album Nziza y’Umwaka
Nubwo atabashije kwegukana igihembo cy’umuhanzi w’umwaka, Bruce Melodie Bruce Melodie ntiyavuye mu biganza bibisi kuko yegukanye igihembo cya Album Nziza y’Umwaka abikesha album ye yise “Colourful Generation”, yakunzwe cyane n’abakunzi b’umuziki mu Rwanda no hanze yarwo
Bwiza Yegukanye Igihembo Cy’Umuhanzikazi Mwiza w’Umwaka
Umuhanzikazi Bwiza Emerance wagaragaye mu muhango ari kumwe n’ababyeyi be, yegukanye igihembo cy’Umuhanzikazi Mwiza w’Umwaka wa 2025. Iki gihembo cyashimangiye urugendo rwe rwiza mu muziki no kuba yarabashije kugera ku mitima ya benshi binyuze mu ndirimbo ze
Element Eleeeh Aba Producer Mwiza w’Umwaka
Producer w’ikirangirire Mugisha Fred Robinson wamenyekanye nka (Element Eleee) yegukanye igihembo cya Producer Mwiza w’Umwaka wa 2025. Kubera ko atari ahari, iki gihembo cyakiriwe na Noop JA wo muri Country Records Rwanda mbere y’uko ajya kugishyikiriza nyiracyo
Lionel Sentore Yatsinze Mu Njyana ya Gakondo
Umuhanzi Lionel Sentore yegukanye igihembo cy’Umuhanzi Mwiza w’Indirimbo za Gakondo mu Mwaka wa 2025, agaragaza ko umuziki gakondo ugifite umwanya ukomeye mu muco n’umuziki by’u Rwanda
Diez Dolla, Umuhanzi Mushya Mwiza w’Umwaka
Mu cyiciro cy’abahanzi bashya, Diez Dolla yamenyekanye nk’Umuhanzi Mushya Mwiza w’Umwaka (Best New Artist), ashyirwa mu cyiciro cy’abitezweho kuzagira ejo hazaza heza mu myidagaduro nyarwanda.
Kivumbi The 1st Aba Umuraperi Mwiza w’Umwaka
Igihembo cy’Umuraperi Mwiza w’Umwaka wa 2025 cyahawe Kivumbi The 1st Iki gihembo cyatanzwe na Rocky Kimomo mu gihe cyakiriwe mu izina rye na Junior Giti
Vestine na Dorcas Begukanye Igihembo Cy’Indirimbo zo Kuramya
Itsinda ry’A Vestine na Dorcas ryegukanye igihembo cy’Abahanzi Beza baririmba Indirimbo zo Kuramya no Guhimbaza Imana mu Mwaka wa 2025. Bahigitse abahanzi bakomeye barimo Israel Mbonyi, Papi Clever na Dorcas, ndetse na Prosper Nkomezi
