Ruhango- Gitisi TSS hagaragaye icyuho mu miyoborere ubwo abanyeshuri bakubiswe kugera bajyanwe kwa muganga , ni Mu gihe kandi ibigo by’imyuga n’ubumenyingiro bikomeje gufatwa nk’inzira y’iterambere ry’urubyiruko mu Rwanda, ku wa 19 Ugushyingo 2025 i Gitisi–Ruhango habaye igisa n’isomo rikomeye kubarezi bitwaza guhana abanyeshuri bakabakubita ndetse bakabakomeretsa, hagaragazwa uburezi bushingiye ku burere bwiza, nyuma y’uko animatrice na animateur bafashwe bakekwaho guhohotera abanyeshuri bari bashinzwe kurera no kuyobora. Ibyatangajwe n’ababyeyi ndetse n’abatuye Gitisi byerekana ko bamwe mu banyeshuri bakubiswe hakoreshejwe ibiti( inkoni) ubwo bakekwaga kurenga ku mabwiriza yuburezi ndetse na y’ishuri ku mugoroba wo ku wa mbere, nyamara ibisubizo byakoreshejwe ntibyijyanye n’uburezi bw’iki gihe bigatuma bamwe mu banyeshuri bajyanwa mu bitaro barembye.
Amakuru y’ibanze agaragaza ko abashinzwe gucunga imyitwarire yabanyeshuri, bagombaga gukemura ikibazo cy’imyitwarire mu buryo bwihuse ariko bagakoresha uburyo burenze umurongo wemewe n’amategeko, aho hakwiye kuboneka uburyo bwo gukemura amakimbirane mu bwitonzi hatabayeho gukomeretsa no guhutaza abanyeshuri nabana. Ibi byahise bihinduka ikibazo gikomeye kigera mu nzego za RIB n’ubuyobozi bw’ishuri, bwemeza ko gukosora mu buryo bubangamiye ubuzima bw’umwana atari politiki y’uburezi bw’uRwanda ndetse ko buzakorana n’inzego z’ubutabera ngo ukuri kumenyekane.
Kugeza ubu, RIB yataye muri yombi abakekwaho kugira uruhare mu gukubita nokubangamira uburenganzira bw’abana kugira ngo bakurikiranwe mu mategeko, mu gihe iperereza rigikomeje hagamijwe kumenya imiterere n’uburemere bw’ibyakozwe n’impamvu zabyo. Ababyeyi b’abanyeshuri bagaragaje agahinda n’umujinya wo kuba baremeye ko abana biga mu kigo cyabafasha kubaka ejo hazaza habashimishije, aho guhabwamo inkoni n’ihohoterwa ritagira ishingiro. Basaba ko hashyirwaho amahugurwa ashyira imbere ubumuntu, ubushishozi n’ubushobozi bwo gukemura amakimbirane mu mashuri, hagenzwa intego yo kurinda umutekano n’uburenganzira bw’umunyeshuri.
Iki kibazo cyerekanye ko amashuri akwiye kongererwa ubunyamwuga mu icungwa n’imiyoborere yabyo, cyane cyane mu gufasha abarezi kuba abajyanama, abayobozi n’indorerwamo ry’icyitegererezo, aho gukoresha imbaraga zumurengera muguhana abana nimbaraga z’umurengera. Muri iki gihe abanyeshuri bakomeretse barimo kwitabwaho mu bitaro, mu gihe ubuyobozi n’inzego zishinzwe umutekano zisaba ko hatangwa amakuru yose ashoboka kugira ngo ukuri kurusheho kugaragara kandi abagaragayeho uruhare babibazwe mu buryo bunogeye amategeko n’uburezi.
