Ishyirahamwe ry’Umupira w’Amaguru mu Rwanda (FERWAFA) ryashyize hanze imyanzuro ikubiyemo isesengura ryimbitse ku byagaragaye mu mikino yo ku munsi wa gatanu wa Rwanda Premier League, nyuma y’uko hagaragaye impaka nyinshi zijyanye n’imisifurire. Iyi myanzuro yaturutse kuri komisiyo ibifitiye ububasha, yakoresheje amashusho y’imikino ndetse inashingira ku mabaruwa y’ubusabe bw’amakipe.
Bugesera FC vs AS Muhanga: Icyemezo cy’Ikosa cyavuyemo Igihano
Ku mukino wabereye i Bugesera, komisiyo yagaragaje ko ku munota wa 20 hari habaye ikosa rikomeye ry’umukinnyi Hategekimana Bonheur wambutse urubuga rw’amahina akoresheje amaboko, mu buryo bwangiza amahirwe ataziguye yo gutsinda igitego (DOGSO). Nubwo byari bikwiye kuviramo ikarita itukura, umusifuzi ntiyayitanze. Komisiyo yahise ifata icyemezo cyo guhagarika umusifuzi ukwezi na icyumweru nkuko biteganwa nitegeko, mu gihe undi washinzwe gutanga amakuru y’inyongera wakagombye kuba yaramubwiye ko umuzamu yakoreye umupira hanze yurubuga rwamahina ahagaritswe ukwezi kubera amakosa yo kudatanga ubufasha akenewe.
Ku munota wa 45+1, komisiyo yongeye kubona ko umusifuzi yafashe icyemezo kitaboneye cyo guhagarika umupira mu buryo bunyuranyije n’amategeko y’umukino, bigatera impaka zikomeye ku ikipe ya Muhanga.
Rayon Sports vs Amagaju FC: Ikarita Itukura Yemejwe
Ikipe y’Amagaju yari yasabye gusubirwamo icyemezo cyafashwe ku munota wa 23 ku mukinnyi wambaye nimero 27, ampa ikarita itukura ishingiye ku ikosa ry’ubukana rikomeye. Komisiyo, nyuma yo kureba amashusho mu ngeri zitandukanye, yemeje ko umusifuzi yari ahagaze neza ku gikorwa, afite umwanya mwiza wo kubireba, bityo icyemezo gitemewe gihabwa agaciro. Icyo gisobanuro cyemeza ko nta mpinduka yaba kuri icyo gihano,bisobanura ko umusifuzi ibyo yakoze ibyo yagakwiye gukora.
Kiyovu SC vs APR FC: Ubusabe bwa APR Bwahakanywe
APR FC yandikiye komisiyo isaba ko hasuzumwa imisifurire y’uyu mukino, ivuga ko hari ibyemezo bififitse cyangwa bipfuye muyandi magambo. Nyuma yo gushingira ku mashusho n’amakuru y’umukomiseri w’umukino, komisiyo yanzuye ko ibyemezo by’umusifuzi byari bihuye bihuje n’amategeko, nta mpamvu yo kubihindura. Iri tsinda ryahise ryemeza ko umusifuzi yakoze akazi ke mu buryo bwumvikana kandi budashidikanywaho ko byari bikwiye.
FERWAFA yasabye abakunzi b’umupira gukomeza gukurikiza amahame y’ubupfura mu gihe cyose bifuza gutanga ibibazo, yizera ko ibi bizazamura urwego rw’imisifurire mu Rwanda. Habonewe umwanya wo kwibutsa ko amakosa y’abandi bayobozi n’abakinnyi nayo afatwa nk’ibinengwa kandi agasuzumwa mu buryo butavangura.
