Bamwe mu bakunzi b’umupira w’amaguru bakoresha ifatabuguzi rya Startime baratabaza nyuma yo kugura serivisi bizezwa kureba imikino nkimwe muri service zitangirwaho bategereje kureba umukino wahuje Rayon Sports na Rutsiro FC, ariko ntibabashije kuwureba. Aba bakiriya bavuga ko amaso yaheze mukirere kandi bari bizeye ko iyi porogaramu izabaha uburyo bwizewe bwo gukurikirana imikino y’amarushanwa yo mu Rwanda.
Abenshi bavuga ko babanje kubona amatangazo ya Startime yamamaza ko umukino uzanyuzwa ku rubuga rwayo, ari nabyo byatumye bishyura amafaranga y’ifatabuguzi. Gusa ku munsi w’umukino, serivisi yarabuze kuko ngo mugihe umupira wa Rayon sport wabaga kuri startime ho hiciragaho volleyball ,Babajije icyabaye basubijwe ko ari ikibazo cya tekiniki ariko ntibabyemeye kandi ntibananyuzwe nibisubizo startime yabahaye kuko ngo ntibigeze babona namba RBA Material zisanzwe zizanwa kumukino mugufasha gufata amashusho ndetse no gutunganya amajwi no gufasha kugira amashusho asakare kuri startime bityo bakavuga ko babeshywe nicyo kigo.
Umwe mu bakiriya yagize ati: “Twishyuye dutekereza ko tuzareba umukino wa Rayon na Rutsiro, ariko byaranze. Ubu turumva twarahenzwe ndetse ndumva igisahane cyabo nakimanura .”
Abakoresha iyi serivisi basaba abayobozi ba Startime gusobanura impamvu z’iki kibazo no kunoza imikorere kugira ngo bakomeze imikoranire myiza nkuko bayizejwe nambere ndetse basubizwe nikizere bari baragiriwe ubu cyatakaye.
Abasesenguzi bo bavugako mugihe ibyabaye ndetse nimikorere yakomeza gutyo startime yahomba abakiriya benshi doreko yari imaze kwigarurira imitima yabenshi murwanda, bityo icyo isabwa nuguhindura imikorere ndetse igasaba imbabazi abakiriya bayo murwego rwo kutabatakaza.
