APR FC Yihanangirije Rayon Sports Mumukino wabahuje kuruyu wa Gatandatu

Kuri uyu wa Gatandatu, APR FC yeretse Rayon Sports ko igikomeje kuba ubukombe mu mupira w’u Rwanda, iyitsinda ibitego 3–0 mu mukino wabereye kuri Stade Amahoro i Remera. Uyu mukino wari utegerejwe na benshi, wuzura imiryango y’abafana b’impande zombi bari baje gushyigikira amakipe yabo mu buryo bukomeye . APR FC yinjiriye mu mukino iri hejuru mu mumikinire iri guhangana, igaragaza uburyo butandukanye mu kibuga ndetse inabubyaza umusaruro, guhererekanya neza no kugira imbaraga mu bakina hagati. Ibi byatumye Rayon Sports igorwa no kubaka imipira yo hagati, itakaza ibice byinshi by’umukino kuva ugitangira.

Igitego cya mbere cyatsinzwe ku munota wa 24 na Ronald Ssekiganda, nyuma y’igihe APR FC yari imaze ikotsa igitutu ubwirinzi bwa Rayon Sports. Uyu mukinnyi yafashe umwanya mwiza ashyira umupira mu nshundura mu buryo bwatumye abafana ba APR bahaguruka batangira kwizihirwa hakiri kare.

APR ntiyatinze kongera kwigaragaza, maze ku munota wa 37 William Togui atsinda igitego cya kabiri, cyaturutse ku mikoranire myiza mu busatirizi. Iki gitego cyahise gihindura uburyo umukino wagendaga, Rayon Sports irushaho kubura icyerekezo, bikomwa mu nkokora n’igitutu cy’abakinnyi ba APR bakomeje kwiharira umupira n’umutuzo mu kibuga.

Mu gice cya kabiri, Rayon Sports yagerageje gusubira mu mukino, ariko kugaragaza intege nke mu busatirizi no kubura imipira hagati byatumye gahunda zayo zitagenda neza. APR yakomeje kwihagararaho, yongeramo imbaraga hagati mu kibuga, ifashe amahirwe yose yabonetse.

Ibyishimo by’abafana ba APR byatumbagiye mu minota ya nyuma y’inyongera, ubwo Mamadou Sy yatsindaga igitego cya gatatu ku munota wa 90+4 aho yacengaga umuzamu agahagarara imbere yizamu akazamura amaboko ahagurutsa abafana akabona gutsinda igitego.

Leave a Reply

Your email address will not be published. Required fields are marked *