Kigali, 26 Mutarama 2026 — Ikigo gitanga serisi zishingiye ku ikoranabuhanga, RTN (Rwanda Telecenter Network), ku bufatanye na Luxembourg Aid and Development, cyatanze amahugurwa y’iminsi itatu kuva kuwa 26 mutarama 2026 kugeza 28 Mutarama 2026, agamije kongerera ubumenyi n’ubushobozi aba-agent ba ITEME n’abandi bikorera bato.
Aya mahugurwa, yiswe “RTN / ITEME Agent Empowering and On-Boarding Training”, ni icyiciro cya 13, bikaba bigaragaza ko hari ibindi byiciro byabanje byatanze umusanzu ukomeye mu guteza imbere aba-agent batanga serivisi z’ikoranabuhanga hirya no hino mu gihugu. Aya mahugurwa yatangijwe ku mugaragaro n’Umuyobozi Mukuru wa RTN, Paul Barera.
Mu ijambo rye, Umuyobozi wa RTN yagaragaje ko aya mahugurwa agamije kongera ubumenyi n’ubushobozi bw’aba-agent mu bijyanye no gutangiza, gukoresha no gukomeza ubucuruzi bushingiye ku ikoranabuhanga, by’umwihariko Gukoresha no gukomeza ubucuruzi bwa serivisi z’ikoranabuhanga mu Rwanda( Operating and Sustaining a Digital Services Agency Business in Rwanda). Yashimangiye ko aba-agent bagomba kugira ubumenyi buhagije bubafasha gukoresha neza ikoranabuhanga, gutanga serivisi zinoze kandi zigira uruhare mu iterambere ry’ubukungu bw’igihugu.
Abitabiriye aya mahugurwa bahawe ubumenyi bwimbitse ku entrepreneurship, by’umwihariko ku ruhare rw’aba-agent ba ITEME mu gutanga serivisi za Leta n’iz’abafatanyabikorwa. Banahuguwe ku rugendo rw’ishoramari, harebwa ibyiciro by’ingenzi birugize birimo igitekerezo cy’umushinga, gutangiza no gushyira mu bikorwa umushinga, ndetse n’ingamba n’itegurwa ry’ubucuruzi burambye.
Aya mahugurwa kandi yibanze ku kongerera aba-agent ubumenyi mu gukoresha neza urubuga rwa ITEME (Usage of ITEME Platform) no gutanga serivisi z’abafatanyabikorwa mu buryo bunoze kandi bw’umwuga (Delivering Partners’ Services Effectively), bigamije kunoza serivisi abaturage bahabwa no kubongerera icyizere.
Byongeye kandi, abahuguwe basobanuriwe ibigo by’imari, uko bikora n’uko bashobora gukorana na byo mu rwego rwo kubona igishoro no guteza imbere imishinga yabo. Hanatanzwe amahugurwa ajyanye na serivisi nshya y’ubwishingizi bwa SONARWA , izajya itangwa n’aba-agent ba ITEME, aho basobanuriwe uko ikora, ibyiza byayo n’uburyo bazajya bayisabira abakiriya bazabagana bayikeneye.
RTN (Rwanda Telecenter Network) ni ikigo cy’ikoranabuhanga gifite inshingano zo guteza imbere ikoreshwa ry’ikoranabuhanga mu gutanga serivisi, gufasha abaturage kugera kuri serivisi za Leta n’iz’abafatanyabikorwa, no guteza imbere ubucuruzi bushingiye ku ikoranabuhanga binyuze mu mahugurwa, ubufatanye n’udushya.
Kuruhande rwaba agent ariko kandi nabo bishiiye amahugurwa babonye kuko bavuze ko bagiye gushyira ubikorwa ibyo bigiye uahugurwa kandi ko aribyagaciro ariko kandi banavuga nibibazo byabo bakunda guhura nabyo ukazi kabo nkaba agents bihabwa umurongo.
Nyuma yiki cyiciro kandi hateganijwe ko hashobora kujyaho nibindi byiciro bitandukanye byaba agents bagahabwa aya mahugurwa, ariko kandi hashobora kuzabaho nandi mahugurwa yiminsi 2 cyangwa 3 yabazatoranwa(aba agents) bagera kuri 200 bagahugurwa byimbitse kuri serivise ya SONARWA kugirango babimburire abandi mugutanga iyo service y’ubwishingizi nkuko amakuru agera kukinyamakuru mavete.com avuga.
Mwijambo ry’uyobozi wungirije bwana NADJIBU Nyandi (chief operation officer) yavuze ubwo ubwo yasozaga aya mahugurwa yavuze ko aya mahugurwa ari ingirakamaro kandi ko aba agents bagomba kuyabyaza umusaruro yongera ho ko ari inyungu kumpande zose yaba kuri leta, kubaturage bazahabwa serivisi,kuri RTN Ndetse cyane cyane kuribo nkaba agent, niaho yakomoje ko hari naba agenti bazatoranwa bakazahugurwa.
Abateguye aya mahugurwa bagaragaje ko ari intambwe ikomeye mu kongerera ubushobozi aba-agent ba ITEME, guteza imbere serivisi z’ikoranabuhanga zitangwa mu Rwanda no gushyigikira intego z’igihugu zo kwihutisha iterambere ry’ubukungu bushingiye ku ikoranabuhanga.
