Abahanzi b’Abanyarwanda bakomeje kwigaragaza ku rwego mpuzamahanga, bagaragaza impano n’umurava mu gutanga umuziki wabo ku bakunzi bo mu bindi bihugu. Mu minsi mike ishize, abahanzi batandukanye bakoze ibitaramo byamurikaga impano zabo, bagahuza ubuhanzi n’umuco nyarwanda ndetse n’ubutumwa bw’Imana
.Vestine na Dorcas Berekeje Muri CanadaItsinda ry’abahanzikazi Ishimwe Vestine na Kamikazi Dorcas ryerekeje muri Canada ku nshuro ya mbere, aho bagiye gukorera uruhererekane rw’ibitaramo byitiriwe indirimbo yabo Yebo
Aba bahanzi bahagurutse ku kibuga cy’indege mpuzamahanga cya Kigali ku ijoro ryo ku wa 12 Ukwakira 2025, nyuma yo gutaramira mu gitaramo cyasize amateka muri Kigali Conference and Exhibition Village (Camp Kigali)
Urugendo rwabo muri Canada ruzazenguruka imijyi itandukanye, harimo Vancouver, Regina, Winnipeg, Edmonton na Calgary, aho bazageza ibyishimo by’indirimbo zabo ku Banyarwanda n’abakunzi b’indirimbo z’Imana batuye muri icyo gihugu
Davis D Ategerejwe i DubaiUmuhanzi w’injyana ya Afrobeat, Davis D, ategerejwe i Dubai ku gitaramo “East Africa Show in Dubai”, giteganyijwe kuba ku wa Gatandatu, tariki 25 Ukwakira 2025.Iki gitaramo cyateguwe na Batman, washinze Agakoni TV
Mu rwego rwo gushimisha Abanyarwanda n’abatuye muri UAE mu gihe cy’impera z’umwaka. Davis D azataramira i Dubai nk’umujyi asanzwe akoreramo ibikorwa bitandukanye birimo gufata amashusho y’indirimbo zakunzwe nka ‘Bon’ na ‘Pose’, ziri kuri album ye ‘Afro Killa’ yamuritse mu mpera z’Ukuboza 2024.
B-Threy Yateguye “Kinyatrap” i LilleUmuraperi Muheto Bertrand (B-Threy) yatangaje ko nyuma y’igitaramo yakoreye mu Montpellier, agiye gukomereza mu Lille, aho azageza injyana ye ya Kinyatrap ku bakunzi b’uru rwego rw’umuziki bo muri Afurika n’Uburayi
Iki gitaramo kizaba ku wa Gatanu, tariki 17 Ukwakira 2025, kikazabera i Lille, aho B-Threy azahuriramo na DJ Afro Swing mbere y’uko aseruka ku rubyiniro.Uyu muhanzi ari mu rugendo rwo kwamamaza album “250”,Afatanyije n’abandi bahanzi barimo Angell Mutoni na Icenova, mu rwego rwo gukomeza guteza imbere Kinyatrap ku rwego mpuzamahanga
Israel Mbonyi Yamuritse Album “Hobe”Umuhanzi w’indirimbo zo kuramya no guhimbaza Imana, Israel Mbonyi, yamuritse album ye ya gatanu yise “Hobe” mu gitaramo cyabereye muri Intare Conference Arena ku wa 5 Ukwakira 2025
Iki gitaramo cyahuruje ibihumbi by’abakunzi be, cyuzuyemo umwuka w’Imana, ubusabane n’amashimwe, aho Mbonyi yanyuze abitabiriye binyuze mu ndirimbo 14 zigize album ye, zirimo ubutumwa bwo kwizera no gusubira ku Mana. Mu gice cya kabiri, yaserukanye umushanana wa Kinyarwanda, kugaragaza ishema ry’umurage nyarwanda mu muziki w’Imana
Abahanzi nyarwanda bakomeje gutanga ishusho nziza ku ruhando mpuzamahanga, berekana ko bafite impano, umurava n’ubutumwa bwiza bashyira mu muziki wabo, haba mu njyana gakondo, Afrobeat, Kinyatrap cyangwa indirimbo zo kuramya no guhimbaza Imana
Ibi bitaramo byose bigaragaza ko umuziki nyarwanda ushobora kugera ku rwego mpuzamahanga, uhuzwa n’umurage w’umuco n’ubutumwa bwiza.
Bageze Heza Cyane