Ibyahoze bisa n’ibihuha byamaze kuba ukuri nyuma y’uko Guverinoma ya Madagascar isohoye Iteka rya Minisitiri w’Intebe ryemeje ko uwahoze ari Perezida Andry Nirina Rajoelina yambuwe burundu ubwenegihugu bw’icyo gihugu.
Iryo teka, ryasohotse mugitabo cy’amategeko cy’Igazeti ya Leta, ryemeza ko Rajoelina atakiri Umwenegihugu wa Madagascar narimwe, ahubwo asigaranye ubwenegihugu bw’u Bufaransa bivugwako yari yarahawe mu ahayingayinga mu 2014. Uyu mugabo w’imyaka 50, wamamaye mu 2009 ubwo yakubitaga inshuro ubutegetsi bwa Marc Ravalomanana , yari amaze igihe avugwaho gutatira indahiro ye yo gukorera igihugu nk’umuturage wacyo.
Inkuru y’iyamburwa ryo kuba umunyagihugu bikubise ishyanga politiki ya Madagascar, kuko benshi babibonye nk’iherezo ry’urugendo rwa Rajoelina muri politiki y’igihugu cyamubyaye yanavukiyemo, Andry Nirina Rajoelina yavukiye mu mujyi wa Antsirabe, uri mu majyepfo y’igihugu cya Madagascar, ku itariki 30 Gicurasi 1974. ni mugihe Abasesenguzi bavuga ko kuba asigaye ari Umunyafuransa gusa bishobora kumukura burundu byindani mu ruhando rwa politiki y’imbere mu gihugu, ndetse bikaba bishyira mu kaga isura ye nk’umunyapolitiki w’inararibonye.
Amakuru yizewe atangaza ko Rajoelina yaramaze igihe yarahunze igihugu cye nyuma yo kumuhirika kubutegetsi , ndetse bikaba bivugwa ko yaba yari yarerekeje mu Bufaransa, igihugu kimufata nk’umuturage usanzwe.
