Kigali – Ikigo cy’Igihugu gishinzwe Ubutaka (NLA) cyatangaje ko cyahagaritse burundu ikoreshwa rya procurations (ububasha buhabwa undi muntu ngo akorere nyir’ubutaka ibikorwa byokumuhagararira cyangwa hererekana umutungo ), nyuma yo gusanga ari inzira ikoreshwa n’abantu benshi mu bikorwa by’uburiganya no kwambura abandi ubutaka bwabo.
Iyi ngamba ije nyuma y’igenzura ryimbitse ryakozwe n’Ikigo cy’Ubutaka ku rwego rw’igihugu, ryagaragaje ko mu gihe gito gishize habaye ubujura n’inyerezwa by’ubutaka bifitanye isano n’ikoreshwa rya procuration, cyane cyane mu bikorwa byo guhererekanya ubutaka (mutation) n’indi migenderanire ifitanye isano n’ubwanditse bwabwo.
Twabonye ko hari abantu benshi batakaje ubutaka kubera guha abandi uburenganzira bwo kubukoresha cyangwa kubugurisha hakoreshejwe procuration . Guhera ubu, ibijyanye n’iyandikishwa cyangwa ihererekanywa ry’ubutaka bizajya bikorwa gusa n’uwemerewe n’amategeko, ari we nyir’ubutaka ubwe.
Abasesenguzi bavuga ko iki cyemezo ari intambwe ikomeye mu guhashya ubujura bw’ubutaka bwagaragaraga mu mijyi no mu byaro, cyane cyane aho abaturage batari bazi neza amategeko yerekeye ubutaka.
Ikigo cy’Ubutaka cyibukije abaturage ko gukora mutation iyariyoyose ko kuri nyirubwite arizo nzira zemewe n’amategeko ari bwo buryo bwonyine buzemerwa, kandi gisaba abashinzwe ubutaka ku rwego rw’imirenge n’uturere gukurikiza aya mabwiriza nkuko yasohotse. Gusa hari gahunda nshya igiye kuzaza ya e-Notary izajya ikorwa hifashishijwe ikoranabuhanga.
