Mu butumwa bukomeye yagejeje ku baturage, Perezida w’u Burundi Évariste Ndayishimiye yongeye kugaragaza ko igihugu cye kidashobora gutera imbere mu gihe abaturage bagenda bigendesera, aho kubaho nk’abakozi biyemeje.
Perezida Ndayishimiye yavuze ko Abarundi bakwiye gukura ibirenge hasi bakareka imyumvire y’utuntu duke, ahubwo bagahagurukira gukora ku manywa na nijoro, nta kuruhuka, kugira ngo igihugu kirusheho gutera imbere. Ati: “Abantu bakwega ibirenge ntacyo batumarira baratudindiza mu iterambere. Iterambere kugirango rigerweho ni ugukora nta guhagarara, 24/24. Uyu ni wo murongo tugomba gucamo.”
Yabigereranyije n’ingabo, avuga ko igihugu kitagira abaturage bitanga nka “abakomando” kiba nk’ingabo zitagira umutware, ntaho cyagera. Ku bwe, ubwitange, umurava no gukora udahwema ni byo bizatuma u Burundi bugera ku rwego abaturage bifuza.
Uyu mwuka wo gukangurira abaturage gukora cyane no guhindura imyumvire, Perezida yawusobanuye nk’intwaro ikomeye yo kwivana mu bukene, kongera umusaruro no gukomeza inzira y’iterambere ry’igihe kirekire. Yashimangiye ko nta “mpuhwe zidasanzwe” zizatera imbere igihugu, ahubwo ari ugukora byivuye inyuma ubundi uBurundi bugatera imbere kakahava, igisigaye cyo kwibaza nukureba niba koko abarundi bagiye kwiteza imbere cyane biciye mugukora nkuko president wabo abibashishikariza .
