Mu Murenge wa Gatumba , Akarere ka Ngororero, haravugwa ikibazo gikomeye aho umuturage ashinja Gitifu w’Akagari ka Kamasiga kumukubitira mu biro bikamuviramo kuvunika ukuboko, mu gihe Gitifu we avuga ko ari uwo muturage wamusanze akamuzanaho urugomo.
Uwo muturage avuga ko yageze ku biro by’akagari asaba serivisi zisanzwe, ariko aho kuyihabwa, umuyobozi w’akagari yamusagaririye aramukubita, kugeza ubwo avunitse. yavuze ngo” Nari nagiye gushaka serivisi, ariko birangiye nkubiswe ndavunagurwa kugeza no kuvunika uKuboko kwanjye ubu ndi mu ivuriro.”
Icyo Gitifu avuga
Gitifu w’Akagari ka Kamasiga abihakanira kure ibyo ashinjwa, akavuga ko umuturage ariwe wabitangiye w akamusagarira, bakavurungutana. yabivuze mmurayamagammbo ngo ”nakuruwe nawe, turagundagurana. None niwe urimo kubimmpinduriraho ngo namukubise. Ibyo ni ukubeshya.”
Abaturage baratabariza ukuri
Abaturage bo muri aka kagari bavuga ko iyi myitwarire y’umuyobozi ibateye impungenge. Umwe yagize ati: “Ubuyobozi bukwiye kuba urugero mu kunga abaturage no gukemura amakimbirane, si ukwiha inshingano zo gukubita abaturage.”
Undi yongeyeho ati: “Turifuza ko inzego zibishinzwe zakora iperereza mu mucyo. Nta muturage ukwiye guhohoterwa, yewe ntanumuyobozi ukwiye guhohoterwa . ikindi kandi nta muyobozi ukwiye gukoresha ububasha afite muburyo butaribwo.”
Kugeza ubu, umuturage uvuga ko yakubiswe aracyari mu bitaro, mu gihe abaturage bo mu Kagari ka Kamasiga basaba ko iki kibazo gikemurwa mu mucyo kugira ngo haboneke icyizere hagati y’abaturage n’ubuyobozi bw’ibanze.
