Nyuma y’uko bamwe ku mbuga nkoranyambaga bakomeje gushidikanya ku byavugwaga ko umu influencer Ndahiro Taikuni yagiranye ikiganiro cya One on One na Nyakubahwa Perezida wa Repubulika y’u Rwanda, Paul Kagame, amakuru mashya bivugwa ko ikiganiro cyabaye yewe bamaze no kugishutinga ni nyuma yaho taikuni yabanje gutangaza ko yatumiye H.E Paul KAGAME nkumutumirwa w’icyubahiro,aho yabinyujije kurukuta rwe rwa instagram yandikira president amusaba ko bakorana icyo kiganiro yise one on one nyuma ngo aza kumusubiza kandi amwemerera kukigirana.
one on one ni ikiganiro taikuni akora aho yereka umutumirwa ifoto zabantu batandukanye byumwihariko ibyamamare hanyuma ifoto akweretse ukayivugaho ibintu bitatu byo uzi kuri uwo muntu, Igihamya kandi ni Ifoto yashyizwe hanze na Taikuni ubwe, yerekana we na Perezida Kagame bari kumwe mu kiganiro , ikomeje gukwiza urukundo n’amarangamutima ku rubyiruko rwinshi rwamubonye nk’icyitegererezo mu kubaka u Rwanda rw’ejo hazaza.
Bamwe murubyiruko bashimiye Perezida Kagame bamwizeza ko urubyiruko ruzakomeza kuba ku isonga mu guharanira iterambere n’icyerekezo cyiza cy’igihugu. Ati: “Thank you @PaulKagame @UrugwiroVillage for continuing to support the youth.”
Iyi foto yabaye igihamya cy’uko ibyo yavugaga byari ukuri, ikerekana kandi uburyo Perezida Kagame akomeje gushyigikira urubyiruko mu ngeri zitandukanye, haba mu buhanzi, uburezi, cyangwa ubucuruzi.
Abakurikiranira hafi ibya Taikuni bavuze ko iyi ari intambwe ikomeye ku rubyiruko rw’u Rwanda, kandi ishimangira uburyo Umukuru w’Igihugu ahora yegera abato, abumva, kandi akabatera imbaraga mu rugendo rwabo rwo guteza imbere igihugu.


