Minisitiri w’Intebe w’u Rwanda, Dr. Nsengiyumva Justin, yagiriye uruzinduko rw’akazi rw’umunsi umwe mu Karere ka Rubavu, aho yasuzumye ibikorwa by’ingenzi bigamije iterambere ry’igihugu n’akarere muri rusange.
Muri uru ruzinduko, Minisitiri w’Intebe yasuye uruganda rw’amashanyarazi rwa Shema Power Plant, uruganda rutunganya amashanyarazi rubikesha gazi metane yo mu Kiyaga cya Kivu. Uru ruganda rufatwa nk’urufite akamaro kanini mu kongerera igihugu amashanyarazi no gutuma serivisi z’inganda, ubucuruzi ndetse n’imiryango y’abaturage zibasha gukomeza neza.
Dr. Nsengiyumva Justin kandi icyambu gishya cya Rubavu giherereye ku Kiyaga cya Kivu, cyitezweho kongerera ubushobozi ubwikorezi bwo mu mazi hagati y’u Rwanda n’ibihugu bituranye, cyane cyane Repubulika Iharanira Demokarasi ya Congo. Iki cyambu kizarushaho gufasha mu bucuruzi mpuzamahanga, kongerera akamaro ubukerarugendo no korohereza abaturage mu ngendo za buri munsi.
Uru ruzinduko rwagaragaje umuhate wa Guverinoma y’u Rwanda mu guharanira iterambere rirambye rishingiye ku bikorwa remezo bikomeye, kongera amashanyarazi akenerwa n’igihugu no kongerera abaturage amahirwe yo kubona uburyo bwihuse bwo gukora ubucuruzi n’ubwikorezi.
Ibi bikorwa byombi – Shema Power Plant n’icyambu cya Rubavu – birafasha u Rwanda gukomeza intego zarwo zo guteza imbere ubukungu, kongera imirimo no guha abaturage serivisi zihuse kandi zinoze.
