Ubuyobozi bwa Minisiteri ya Siporo kumunsi wejo bwakiriye itsinda ry’Ihuriro ry’Abakinnyi bahagarariye u Rwanda mu mikino Olempike mu myaka yatambutse, rizwi nka Rwanda Olympians Organization, bari kumwe n’intumwa zavuye muri Komite Olempike y’u Rwanda (Rwanda Olympic Committee). Uru ruzinduko rwagaragaye nk’urushimangira ubufatanye n’uruhare rw’aba bakinnyi mu iterambere rya siporo y’igihugu.
Ibi biganiro byibanze cyane ku ngamba zigamije kunoza imikorere y’ihuriro, kurushaho kwinjiza abakinnyi babigize umwuga mu bikorwa bigamije kubaka impano nshya, ndetse no kongera uruhare rw’abakinnyi bakiri bato uri sport nyarwanda.
Minisitiri wa Siporo n’ubuyobozi bumwungirije bagarutse ku kamaro k’uruhare rw’aba bakinnyi bahoze bahagarariye u Rwanda mu mahanga Twavuga nka UWIHOREYE Tufaha, babasaba ko ubumenyi n’ubunararibonye bwabo bukoreshwa mu gutoza urubyiruko, kwigisha indangagaciro z’imikino nk’ubunyamwuga, ikinyabupfura.
Ibi biganiro bije nyuma yuko hari hari irushanwa riri gutegurwa umukino wa fencing
Abahagarariye Rwanda Olympians Organization bashimiye Minisiteri ubushake bwo kubashyigikira, bavuga ko biteguye gufatanya mu bikorwa byo gusakaza siporo mu mashuri, gutegura amahugurwa y’abatoza, gusura uturere no gushaka impano mu bice bitandukanye by’igihugu.
Ku ruhande rwa Komite Olempike y’u Rwanda, abasanganywe inshingano zo guteza imbere imikino ifite uburyo bwemewe n’amategeko mpuzamahanga, biyemeje kongera ubushobozi bwa serivisi zitangwa n’ihuriro, birimo uburezi bwa siporo, inyigisho zijyanye na doping, hamwe n’amahugurwa ategura abakinnyi ku rwego mpuzamahanga.
Iyi nama yagarutse kandi ku buryo u Rwanda rwakomeza kuzamura imikorere y’abakinnyi rufite, hagamijwe kuzahagararira igihugu neza mu mikino Olempike iri imbere, harimo Los Angeles 2028, ndetse no mu mikino mpuzamahanga ibanziriza Olempike.
Mu gusoza ibiganiro, impande zombi zemeje kongera imbaraga mu kubaka ubufatanye burambye, bugamije:Gukuza impano nshya,Gutoza no kurera urubyiruko rw’abakinnyi, Gutegura ibikorwa bigamije kuzamura ireme rya siporo, Kubaka ubunyamwuga mu bakiri bato, No gushimangira isura y’u Rwanda mu mikino mpuzamahanga
