Kigali – Leta y’u Rwanda yatangije gahunda y’ingenzi yo kuvugurura imikorere y’urwego rw’amabanki mu Rwanda nyuma y’uko isesengura ryihariye ryagaragaje ko uburyo amwe mu mabanki akoramo bugaragaza gushyira imbere inyungu zayo bwite kurusha inyungu z’abaturage kandi aribo baziye .
Iyi gahunda iraganirwaho ku mugaragaro kuri uyu wa Kane mu nama irabera muri Kigali Convention Center (KCC), aho hitezwe ko abakuru b’amabanki, inzego zishinzwe igenzura ry’imari ndetse n’abandi bafatanyabikorwa mu rwego rw’ubukungu barayitabira.
Nk’uko byagarutsweho muri raporo nshya yateguwe na Minisiteri y’Imari n’Igenamigambi ku bufatanye n’Ikigo cy’Igihugu gishinzwe Imari n’Amabanki (BNR), byagaragaye ko hari icyuho gikomeye hagati y’inyungu amabanki abona n’inyungu z’abaturage, cyane cyane mu bijyanye n’inguzanyo n’ubwizigame.
Minisitiri w’Imari n’Igenamigambi, Dr. Uzziel Ndagijimana, yavuze ko intego nyamukuru y’iyi gahunda ari uguhindura imikorere n’uburyo amabanki akorana n’abaturage byimbitse, kugira ngo imari itangwe mu buryo buboneye kandi butanga amahirwe angana ku banyarwanda bose muri make bibe win win situation.
“Turashaka urwego rw’imari rutekereza ku iterambere rusange ryabaturage, aho buri munyarwanda abona amahirwe asesuye yo kugera ku nguzanyo ziciriritse kunyungu yo hasi zoroheje ubuzima. Uru ni urufunguzo rwo kuzamura ubukungu bushingiye ku baturage,” nuko yavuze.
Raporo ivuga ko izo mpinduka zizibanda cyane ku korohereza serivisi z’imari na mabanki ku baturage bo mu byaro bya kure, kongera umubare w’abanyarwanda bakaba bensi bafite konti muri banki, no gushyiraho uburyo bushya kandi bwizewe bwo kugabanya inyungu ziri hejuru ku nguzanyo.
Abasesenguzi mu bukungu bavuga ko iyi gahunda ishobora kuba intangiriro y’ihinduka rikomeye mu mikorere y’amabanki mu Rwanda, aho urwego rw’imari ruzasabwa guhuza inyungu z’ubucuruzi n’uruhare mu iterambere ry’igihugu.
