Mu gihe intambara ikomeje gufata indi ntera mu Burasirazuba bwa Repubulika Iharanira Demokarasi ya Congo (RDC), Abakomando b’Igisirikare cy’igihugu (FARDC) bazwi nka “Tigres” biyerekanye mu mujyi wa Bunia, bakoresha moto mu kugaragaza ubwirinzi n’ubutwari.
Ibi bikorwa byabaye nyuma y’uko basoje imyitozo yihariye yiswe “Commando Wewa”, igamije kongera ubushobozi bwabo mu guhangana n’ibibazo by’umutekano bikomeje guca ibintu mu bice bitandukanye by’Uburasirazuba bwa Congo.
Ubuyobozi bwa FARDC buvuga ko iyo myitozo igamije gutegura abasirikare b’ingenzi ku rugamba, kubongerera ubumenyi mu bikorwa by’intsinzi no kubashoboza guhangana n’umwanzi mu buryo bugezweho , Ariko kandi ntibyakabaye mugihe abaturage bakomeje kwicirwa mubitero byaburi munsi.
Abasirikare b’itsinda rya “Tigres” ni bamwe mu bifashishwa cyane mu bikorwa byihutirwa byo kurwanya imitwe yitwaje intwaro ikomeje guteza umutekano muke muri Kivu ya Ituri no mu bindi bice by’igihugu.
Kwerekana aba “Tigres” byafashwe nk’ubutumwa bwo kugaragaza ko FARDC ikomeje kwiyubaka no gushaka uburyo bwo kugarura ituze n’umutekano mu gihugu, mu gihe ingabo za Leta zikomeje imirwano n’imitwe inyuranye yitwaje intwaro mu Burasirazuba bwa Congo.
