Imyigaragambyo ikomeye iri kubera muri Tanzania kubera kutanyurwa n’amatora aherutse, yatangiye kugira ingaruka ku bihugu bihahirana n’iki gihugu, ubwo twavuga ibihugu bituranyi cyane cyane u Rwanda. Abaturage n’amatsinda atishimiye ibyavuye mu matora bakomeje kwigaragambya mu bice bitandukanye by’igihugu, ibi bigaragara ko byatangiye kugera ku nzego z’ubucuruzi n’ubwikorezi, birimo gutwika imodoka no gusahura ibicuruzwa.
Amakuru aturuka ku isoko y’ubwikorezi agaragaza ko amakamyo ayingayinga kugera ku 1100 yari mu nzira zituruka ku cyambu cya Dar es Salaam Tanzania aje mu Rwanda, yahagaritswe nimyigaragambyo kugira ngo hatagira nimwe ijya mu bice birimo umutekano mucye. Abatwara ibicuruzwa bagaragaje impungenge zishingiye ku gukumirwa kw’ibikorwa byashyizwe mu bikorwa n’abo bigaragambya, birimo gusahura no gutwika imodoka z’ubucuruzi.
Urugaga rw’Abikorera mu Rwanda (PSF) rwemeje ko amakamyo ayingayinga kugera 7 kugeza ubu ko amaze gutwikwa, ibijyanye n’ibicuruzwa byari bitwitswe bikoreshwa mu nganda, mu kubaka no mu miryango itandukanye mu gihugu, bigateganyirizwa kwimurirwa mu Rwanda mu gihe cya vuba.
Abakurikiranira hafi ibijyanye n’ubukungu bemeza ko iyi miterere ikoreshwa n’iyo myigaragambyo ishobora kwibasira ubukungu bw’u Rwanda, cyane cyane hafashwe ko Tanzania ari inzira ifungutse yinjiza byinshi mu bikenerwa kubucuruzi bw’ibikenerwa na benshi, birimo: ibiribwa, ibikoresho by’ubwubatsi, amavuta y’ibinyabiziga ndetse n’ibikoresho birimo impu n’imikungugu.
Abashinzwe ubwikorezi na bo bagaragaje ko bahangayikishijwe n’igihombo gishobora gufata intera nini igihe iyi myigaragambyo yaba ikomeje, kuko guhagarara kw’imikoranire ku cyambu cya Dar es Salaam byahita byibasira inganda, ubucuruzi rusange n’amaduka menshi yo mu gihugu. Ugereranyije, uko iyi myigaragambyo yihutishwa n’ingamba za politiki ziboneka uko iminsi yicuma, ni ko ingaruka zayo zikomeza kugaragara ku bihugu by’abaturanyi. U Rwanda rukomeje kugenzura uko ibintu byifashe. Muri iki gihe, abacuruzi n’amasoko menshi mu gihugu barasabwa kwitonda no gukorana n’abashinzwe ubucuruzi mu rwego rwo kwirinda igihombo giturutse ku gutinda kw’ibicuruzwa biba bikenerwa buri munsi.
Inkuru yateguwe na MUCYO Felicien
