Mu mijyi itandukanye ya Tanzania haravugwa imyigaragambyo y’urubyiruko rwinshi rwasohotse mu mihanda rugaragaza kutanyurwa n’uburyo igihugu kiyobowe, cyane cyane muri iki gihe cy’amatora ya perezida ateye impagarara. Abigaragambya barashinja ubutegetsi bwa Perezida Samia Suluhu Hassan gukandamiza abatavuga rumwe n’ubutegetsi no kugoreka inzira ya demokarasi basanganwe.
Abigaragambya bavuga ko amatora yabaye kuri uyu munsi asa n’ikinamico, kuko ngo ishyaka rimwe riomeje gutuma batabona uburyo bwo guhitamo abayobozi mu bwisanzure. Hari abemeza ko amajwi y’abakozi b’inzego z’umutekano n’abandi bafatanyabikorwa b’ubutegetsi ari yo yumvwa cyane, mu gihe ijwi ry’umuturage ryo ryimwa agaciro. ibyo byose bikomeje gukurura impungenge kumiryango yamahanga n’imiryango iharanira inyungu z’abenegihugu, yihanangiriza igihugu kudohora inzira y’ubwisanzure bw’imitwe ya politiki. Bamwe mu baturage babwiye itangazamakuru ko bafite impungenge z’ahazaza, bavuga ko inzira yo kugaragaza ibitekerezo bya politiki igenda iba nyeya uko imyaka ihita indi igataha.
Aho imyigaragambyo yarushijeho gukomera, inzego z’umutekano zasabwe kubahiriza uburenganzira bwa muntu, mu gihe bamwe mu batavuga rumwe n’ubutegetsi bavuga ko bafashwe bagafungwa mu buryo budafite ishingiro. Abasesenguzi b’imbere mu gihugu bavuga ko iyi mibare y’urubyiruko ruvuga ruti “turarambiwe” ari ikimenyetso gikomeye cy’uko ikibazo cy’imiyoborere cyarengeranye, bisaba ibiganiro byagutse.
Kugeza ubu, ubutegetsi ntiburatangaza imbanzirizamatora zemewe, ariko icyizere cy’umuturage ku matora kiracyari hasi cyane. Habonetse kandi amajwi y’abanyapolitiki b’imbere mu gihugu basaba ko habaho isuzuma ryigenga ry’umutekano w’amatora ndetse n’imikorere y’akanama gashinzwe kuyategura.
Nyamara, nta bimenyetso bishingiye ku bugome bw’akarengane kuri Perezida Samia byemejwe n’urukiko cyangwa izindi nzego zisuzuma ibirego, uretse ibyatangajwe n’amatsinda atandukanye y’abaturage. Ibi bituma habaho urujijo hagati y’ibivugwa n’ibigaragazwa.
Abaturage baravuga ko bifuza ko ubutegetsi bufungura imiryango y’ibiganiro, kuko gucecekesha ibitekerezo byabo bishobora gutuma umwuka w’uburakari wiyongera. Bahamya ko impinduka zifite ishingiro ziramutse zashyizwe ku murongo, bituma umutekano, amahoro na demokarasi birushaho guhagarara neza,ibi byose bigezweho mu gihe Afurika y’Iburasirazuba ikomeje guhura n’ibihe by’impinduka politike, bikibutsa ibihugu ko inzira y’amajyambere ishingira ku kumva ijwi ry’abaturage no gushyira imbere uburenganzira kuri buri wese.
