Urukiko rwa Leta yo muri Leta Zunze Ubumwe za Amerika ruri mu gace ka Chicago rwasabye ndetse rutegeka inzego zishinzwe abinjira n’abasohoka (ICE) gukoresha ingamba zihuse zo kunoza imibereho y’abimukira bafungiye mu kigo cya Kane County Immigration Facility, nyuma y’uko hari itsinda ry’abafunzwe ryagejeje ikirego mu rukiko rivuga ko bari kubaho mu mibereho itemewe n’amategeko, irimo kubura amazi meza yo kunywa, isuku nke mu byumba bibacumbikiye ndetse n’ubuvuzi budahagije ku bafite ibibazo byihutirwa nkuburwayi nibindi.
Umucamanza Katherine Montgomery yavuze ko ibimenyetso ndetse nibihaya byatanzwe n’abarega bigaragaza ko hari uburenganzira bw’ibanze bw’abantu butubahirizwa, cyane cyane ku bijyanye no kurindwa ubuzima n’indangagaciro z’ubumuntu. Iki kigo kimaze igihe kivugwamo ubushyuhe bukabije mu byumba, ibikoresho by’isuku byakoreshejwe bikarindwa gutangwa uko byakagombye, ndetse n’abarwayi batagira uburyo bwo kugerwaho n’abaganga ku giheindwara zikaba zenda kubahitana, ibintu byakuruye impungenge mu miryango irengera uburenganzira bwa muntu.
Urukiko rwategetse ko ubwo bushobozi bwose buhabwa ingufu, rwategetseko hahita hashyirwaho uburyo buhoraho bwo kugenzura imiterere y’amazi akoreshwa, hagashyirwaho uburyo buhamye bwo gukorera isuku no guhumura icyumba no guhangana n’ubushyuhe, hakongerwa abaganga ku murongo w’isuzuma ririmo n’abafite imiti yihariye. Nubwo ubuyobozi bwa ICE bwemeye gukorana n’akarere mu gukurikiza amategeko mashya, bwavuze ko hari impungenge zishingiye ku ngengo y’imari.
Ku ruhande rw’abaharanira uburenganzira bwa muntu, iki cyemezo cyashimangiwe nk’intambwe ikomeye igaragaza ko ubucamanza bukomeje guharanira umutekano w’abatavuga rikijyana, kandi bishobora gufungura amarembo y’isuzuma mu bindi bigo bihabwa ibirego bijyanye no guhohotera abimukira. Abakurikiranira hafi iki kibazo basanga iki cyemezo gishobora gutuma inzego zishinzwe abimukira mu bindi bihugu bibigiraho isoko yo kubungabunga agaciro ka muntu, kabone n’ubwo afunze cyangwa ategereje icyemezo cy’ubwenegihugu.
