Mu murenge wa Ntarama, Akagari ka Kanzenze mu Karere ka Bugesera, haravugwa inkuru y’umuryango w’abantu bane bariye inyama zamatungo (inkoko) zipfushije, babiri muri bo bakahasiga ubuzima ako kanya abandi bakajyanwa igitaraganya kwa muganga kugirango bitabweho hakiri kare.
Amakuru yemezwa n’abaturage avuga ko abo bantu bari basanze izo nyamaswa zipfushije zijugunywe hafi y’ingarani, bakazitekera bazi ko ntacyo zabatwara abaturage bababuza bakavuga ko ntacyo baba. Nyuma y’amasaha make nyuma yo kuzirya, batangiye kugaragaza ibimenyetso birimo kuruka, isesemi n’uburibwe bukabije mu nda, bikekwa ko byatewe n’uburozi cyangwa kwandura kwazo.
Ubuyobozi bw’inzego zibanze bwa Ntarama bwatangaje ko hatangiye iperereza kugira ngo hamenyekane icyateye urupfu rw’abo bantu ndetse n’aho izo nkoko zaturutse
Umuyobozi w’Umurenge, Bwana Niyonsaba Emmanuel, yasabye abaturage kwirinda kurya ibiribwa bitizewe cyangwa ibyo babonye bitazwi inkomoko cyane cyane inyama nibindi, kuko bishobora gushyira ubuzima bwabo mu kaga.
Abaturage bo muri ako gace bavuze ko ibi byabaye isomo rikomeye kuribo, basabwa kubanza kugisha inama inzego z’ubuzima igihe babonye inyamaswa(inkoko) zipfushije bagahamagara abavuzi bamatungo bakabapiira kugirango barebe niba ntabyica birimo. Abasigaye barembye barimo gukurikiranirwa kwa muganga aho bajyanwe igitaraganya mu bitaro bya Nyamata, mu gihe ibizami by’ibiryo byoherejwe gusuzumwa kugira ngo hamenyekane icyabiteye.
