Umuhanzi w’icyamamare mu muziki nyarwanda, Itahiwacu Bruce uzwi nka Bruce Melodie, yatangajwe nk’umwe mu bahanzi bazasusurutsa abafana bazitabira Shampiyona y’Iteramakofe ya PFL Africa (Professional Fighters League Africa) izabera mu Mujyi wa Kigali.
Ibi birori by’amateka bizabera muri BK Arena ku wa Gatandatu, tariki ya 18 Ukwakira 2025, aho bizahuza imikino ikomeye ya MMA (Mixed Martial Arts) n’imyidagaduro idasanzwe. Uyu mushinga wa PFL Africa ugamije guteza imbere no gufasha abakinnyi ba MMA b’Abanyafurika kubona amahirwe yo kwigaragaza ku rwego mpuzamahanga.
Ni ku nshuro ya mbere u Rwanda rugiye kwakira imikino ya 1/2 cya nyuma cya PFL Africa, bikaba bigaragaza uko igihugu gikomeje kwinjira mu ruhando rw’imikino ikomeye ku mugabane no ku isi. Uretse umupira w’amaguru n’imikino isanzwe imenyerewe ndetse na shampiona yisi y’amagare irimo ikinwa , u Rwanda rutangiye kugaragaza ubushobozi mu kwakira amarushanwa y’imikino mishya, ishimisha urubyiruko n’abakunzi b’imyidagaduro.
Kwinjiza Bruce Melodie muri ibi birori ni kimwe mu bizabigira akarusho, kuko azafatanya n’abandi bahanzi bitezwe gususurutsa abafana mu gihe imirwano y’abakinnyi izaba iri kuba. Uyu muhanzi ukunze kugaragara mu bitaramo bikomeye, azongera kwerekana impano ye imbere y’imbaga y’abanyarwanda n’abanyamahanga bazitabira iki gikorwa.
Iyi Shampiyona yitezweho kuba umwanya w’amateka ku Rwanda no kwerekana ubushobozi rufite mu gutegura ibirori by’imikino bihuriza hamwe imyidagaduro n’imirwano ya MMA, ibi kandi bishobora gukurikirwa numukino wa formila 1 aho abantu bakomeje kubinuganuga ko president ashobora kuba ari byo yari ku dealinga muri azabaijani.
