Abakoresha moto za Spiro, zimwe mu moto zikoresha amashanyarazi zigeze kuvugisha benshi mu Rwanda, bakomeje gutabaza kubera ibibazo binyuranye bavuga ko bahura nabyo mu kazi kabo ka buri munsi. Bamwe muri bo bavuga ko izi moto zitangira zikora neza ariko bikarangira zitagikora, ndetse ko zipfa ubusa, zifite ubushobozi buke baterwa n’amakosa y’ubukanishi n’ubukererwe mu kuzisimbuza batanga serivisi.
Nk’uko bamwe mu batwara izi moto babitangarije itangazamakuru, bavuga ko zidakora igihe kirekire ku is-charge rimwe, ndetse rimwe na rimwe zigapfira mu nzira bikabatera igihombo gikomeye ndetse nimpanuka zitateganijwe zitunguranye. “” umwe muri bo yatangaje ati”Iyo charge imara nk’isaha imwe, kandi dukeneye gukora amasaha menshi kugira ngo tubone ibiribwa byacu numuryango. Ibyo bituma twicara igihe kinini dutegereje ubufasha.
Ibi bibazo byatumye bamwe mu bantu bazamamarije izo moto ku mbuga nkoranyambaga na bo bagaragaza kutanyurwa. Umwe mu bamamaye mu kwamamaza Spiro tutashatse ko izina rye rimenyekana kubwumutekano yanditse ubutumwa kurubuga rwe rwa X , agira ati Indahiro!, Niba ibi bintu ari ukuri, ndahiriye ku mugaragaro abankurikira ko ntazongera kwamamaza izi bise ‘moto’ kugeza igihe abazizana bisubiyeho bakazana moto nyazo.”
Aya magambo yakiriwe n’abantu benshi bayafashe nk’ubutumwa bukomeye bwo guhamagarira sosiyete ishinzwe gutanga izi moto kugira icyo ikora mu maguru mashya.
Ku ruhande rwa Spiro, nubwo bataragira icyo batangaza ku mugaragaro muri iki gihe, mbere bajyaga bagaragaza ko intego yabo ari ugufasha mu kurengera ibidukikije no kugabanya ikiguzi cyo gukoresha lisansi. Gusa, uko amakuru agenda avugwa, haragaragara ko hagikenewe ibisubizo birambye kugira ngo iyi gahunda yihutishe iterambere idahungabanya imibereho y’abayikoresha.
