Fb the One: Impano nshya ivuka i Rusizi yiteguye guhindura muzika nyarwanda

Frank Baraka uzwi ku izina ry’ubuhanzi Fb the One, ni umuhanzi mushya uvuka mu Karere ka Rusizi, ufite intego yo kuzana impinduka no guteza imbere impano z’Abanyarwanda muri rusange binyuze muri muzika.Uyu musore avuga ko amazina ye y’ubuhanzi afite inkomoko mu

izina rye rya buri munsi Frank Baraka, aho yahisemo kurihindura mu mpine rikaba FB, hanyuma akongeraho The One kugira ngo agaragaze icyizere afite cyo kuzaba uwa mbere mu byo akora byose, cyane cyane mu njyana ya Afrobeat

Fb the One yarangije amashuri yisumbuye muri TTC, ubu akaba yitegura kwinjira muri Kaminuza. Avuga ko urukundo rwe kuri muzika rwamukuriyemo, ndetse yatangiye kugerageza gukora indirimbo akoresheje telefone ye. Afite intego yo kuzaba umuhanzi w’umwuga ndetse no kuba producer, igihe azaba abonye ubushobozi

Nubwo afite impano ikomeye, Fb the One ahura n’imbogamizi zituruka ku bukene no kuba yaravukiye mu muryango ukennye, bikamugora kubona ubushobozi bwo gukora umuziki ku rwego mpuzamahanga. Ariko kandi ntibimuca intege kuko yizeye ko bizageraho agatera intambwe ikomeye.

Uyu musore w’imyaka micye Gusa Afite inzozi z’ubuhanzi akomeje gusaba ubufasha n’ubwunganizi bwatuma impano ye izamuka, kandi akizera ko ejo hazaza h’ubuhanzi bwe ari heza Ubu Afite Indirimbo 3 Zirimo Feeling,Banana,Agapome

amaze Gushyira Ku muyoboro wa YouTube channel Yitwa (FB THE ONE) Aha niho Ashyira Ibihangano Bitandukanye Ubu Akaba amaze amasaha Macye Ashyize hanze Indirimbo shya yitwa AGAPOME Ifite na Mashusho