Amakuru atugeraho avuga ko umuhanzi Kivumbi King yaba yamaze kugera mu biganza by’inzu ifasha abahanzi ya 1:55 AM, isanzwe ikorana n’inkingi za mwamba mu muziki nyarwanda zirimo Bruce Melodie n’abandi batari bamaze kubaka izina. Nubwo nta ruhande na rumwe rurabyemeza ku mugaragaro, abakurikirana umuziki bacitse ururondogoro kuva mu mpera z’icyumweru gishize ko bishoboka ko vubaha diru igiye gusozwa bakiri mubiganiro .
Bivugwa ko ibiganiro hagati y’uyu muhanzi na 1:55 AM byatangiye hashize igihe gito, nyuma y’uko Kivumbi King yari amaze gutangira kugaragara kenshi ahurira mu bikorwa na Bruce Melodie ndetse n’abatunganya indirimbo bakorana n’iyi nzu isanzwe izwiho kuzamura impano zabahanzi ku rwego mpuzamahanga. Aha ni ho havugwa ko ibyari ubufatanye busanzwe bishobora kuba byahindutse amasezerano afatika.
Abantu b’inshuti n’aba hafi b’uyu muhanzi, batifuje ko amazina yabo atangazwa, bagaragaje ko Kivumbi King yari amaze igihe agaragaza ubushake bwo kongera imbaraga mu bijyanye no gucuruza umuziki no kwagura isoko ryawo ndetse niterambere rye mumuziki, cyane ko yakunze kugaragaza ubushobozi bwo guhanga umuziki wihariye ufite umwihariko nta kwigana. Kwiyunga n’inzu isanzwe izwiho amateka meza mu gutegura ibikorwa mpuzamahanga bishobora kuba umwanzuro watekerejweho igihe kitari gito.
Kugeza ubu, 1:55 AM ntacyo iratangaza ku mugaragaro, kimwe na manager wa Kivumbi King bwirinze kugira icyo bubivugaho. Gusa abasesenguzi b’umuziki bavuga ko niba ibi byemejwe mu minsi iri imbere, bishobora guhindura imiterere y’ihangana mu muziki w’imbere mu gihugu.
Kivumbi King ni umwe mu bahanzi bafite ubuhanzi bwihariye kandi bushingiye ku mvugo zifite icyanga cya indirimbo z’Afurika, akunda kuvuga ko umuziki ari uburyo bwo kwerekana ishusho nshya y’urubyiruko rwagutse ibitekerezo. Niba koko yinjiye muri 1:55 AM, abakurikiranira hafi ibintu bya muzika bavuga ko ashobora kugera ku bindi bikorwa bihanitse byo hanze y’u Rwanda n’ubufatanye bushya bwagutse.
Abakunda uyu muhanzi n’abatuye mu muryango mugari w’abakurikira umuziki bategereje ijambo rya nyuma: ese aya makuru araba yo cyangwa biganiro biranga birangire adasinye?
