Kuri uyu wa 13 Ukwakira 2025, mu Murenge wa Gacurabwenge, mu Karere ka Kamonyi, habereye impanuka y’imodoka hafi y’Urwibutso rwa Jenoside yakorewe Abatutsi, ihungabanya cyane urujya n’uruza rw’ibinyabiziga mu muhanda munini uhuza Kigali na Muhanga.
Amakuru aturuka kuri police y,Igihugu ahabereye impanuka avuga ko imodoka ebyiri zagonze zituranye , bituma police iba ifunze umuhanda byagateganyo mugihe bari gukura mumuhanda ibinyabiziga byagonganye, Abari hafi y’aho byabereye bavuze ko impanuka yatewe n’imodoka yavaga i Kigali yarengeje umuvuduko igahura n’indi yavaga i Muhanga bihita bigongana.
Abashinzwe umutekano wo mu muhanda basabye abagenzi kwihangana no gukoresha indi nzira mu gihe imirimo yo gusukura aho impanuka yabereye ikomeje. Bavuze kandi ko umuhanda urahita ufungurwa nyuma y’uko ibinyabiziga byose bikuwemo n’umutekano usubijwe mu buryo.
Inzego z’umutekano kandi zikomeza gusaba abatwara ibinyabiziga kwitwararika, kugabanya umuvuduko no kubahiriza amategeko y’umuhanda, by’umwihariko muri aka gace ka Kamonyi kazwiho kuba gafite imiterere y’imisozi ishobora gutera impanuka igihe hatabayeho ubushishozi.
